jafa-e-dil-shikan

ye na.ī hai gardish-e-charḳh-e-kuhan

dushman-e-jāñ hai jafā-e-dil-shikan

vo balā aa.ī ga.ī hai dil pe ban

ab nahīñ hai haa.e jā-e-dam-zadan

pā-barahna ghar se nikle mard o zan

log dehlī ke haiñ saare na.ara-zan

pahle mahshar se qayāmat aa ga.ī

hashr ke sar par musībat aa ga.ī

lab pe gardūñ ke shikāyat aa ga.ī

jaan par afsos aafat aa ga.ī

pā-barahna ghar se nikle mard o zan

log dehlī ke haiñ saare na.ara-zan

luT gayā asbāb chhoḌā sab ne ghar

ab hai sahrā-e-musībat kā safar

hāl-e-bad par apne har dam hai nazar

is musībat kī na thī aslan ḳhabar

pā-barahna ghar se nikle mard o zan

log dehlī ke haiñ saare na.ara-zan

muflisī kī har taraf ab hai pukār

maal ko rote haiñ apne māl-dār

ġham hai khāne ke liye lail-o-nahār

aab kī jā ashk de hai chashm-e-zār

pā-barahna ghar se nikle mard o zan

log dehlī ke haiñ saare na.ara-zan

paañv meñ juutī na sar par hai kulāh

tan hai uryāñ saarī ḳhilqat hai tabāh

hai falak ke zulm par sab ke nigāh

ḳhasta-dil allāh se haiñ dād-ḳhvāh

pā-barahna ghar se nikle mard o zan

log dehlī ke haiñ saare na.ara-zan

hai qayāmat kā namūna dekh lo

kuchh na beTe kī ḳhabar hai baap ko

bhaa.ī kī bhaa.ī ko kab hai justujū

bāġh-e-ālam meñ nahīñ ulfat kī bū

pā-barahna ghar se nikle mard o zan

log dehlī ke haiñ saare na.ara-zan

farsh-e-gul kī jā hai bistar ḳhaar kā

rañg faq hai har jigar-afgār kā

sadma hai andoh ke āzār kā

dil fasurda-hāl hai bīmār kā

pā-barahna ghar se nikle mard o zan

log dehlī ke haiñ saare na.ara-zan

ḳhvāb-hā-e-aish ko kyā ho gayā

ye hī afsāna hai kyā thā kyā huā

kyā kiyā tū ne ye charḳh-e-pur-jafā

ye sitam thā ai sitamgar kab ravā

pā-barahna ghar se nikle mard o zan

log dehlī ke haiñ saare na.ara-zan

āh-bar-lab chashm-e-pur-nam zard rau

hai pareshānī qayāmat mū-ba-mū

haa.e haa.e kī sadā hai chār-sū

ḳhaak meñ sab kī milī hai aabrū

pā-barahna ghar se nikle mard o zan

log dehlī ke haiñ saare na.ara-zan

shahar thā ye sānī-e-ḳhuld-barīñ

is chaman ke gul hue sahrā-nashīñ

ho ga.ī vīrān dehlī kī zamīñ

is sitam par dil hai rotā ai 'mubīñ'

pā-barahna ghar se nikle mard o zan

log dehlī ke haiñ saare na.ara-zan

ye nai hai gardish-e-charKH-e-kuhan

dushman-e-jaan hai jafa-e-dil-shikan

wo bala aai gai hai dil pe ban

ab nahin hai hae ja-e-dam-zadan

pa-barahna ghar se nikle mard o zan

log dehli ke hain sare nara-zan

pahle mahshar se qayamat aa gai

hashr ke sar par musibat aa gai

lab pe gardun ke shikayat aa gai

jaan par afsos aafat aa gai

pa-barahna ghar se nikle mard o zan

log dehli ke hain sare nara-zan

luT gaya asbab chhoDa sab ne ghar

ab hai sahra-e-musibat ka safar

haal-e-bad par apne har dam hai nazar

is musibat ki na thi aslan KHabar

pa-barahna ghar se nikle mard o zan

log dehli ke hain sare nara-zan

muflisi ki har taraf ab hai pukar

mal ko rote hain apne mal-dar

gham hai khane ke liye lail-o-nahaar

aab ki ja ashk de hai chashm-e-zar

pa-barahna ghar se nikle mard o zan

log dehli ke hain sare nara-zan

panw mein juti na sar par hai kulah

tan hai uryan sari KHilqat hai tabah

hai falak ke zulm par sab ke nigah

KHasta-dil allah se hain dad-KHwah

pa-barahna ghar se nikle mard o zan

log dehli ke hain sare nara-zan

hai qayamat ka namuna dekh lo

kuchh na beTe ki KHabar hai bap ko

bhai ki bhai ko kab hai justuju

bagh-e-alam mein nahin ulfat ki bu

pa-barahna ghar se nikle mard o zan

log dehli ke hain sare nara-zan

farsh-e-gul ki ja hai bistar KHar ka

rang faq hai har jigar-afgar ka

sadma hai andoh ke aazar ka

dil fasurda-haal hai bimar ka

pa-barahna ghar se nikle mard o zan

log dehli ke hain sare nara-zan

KHwab-ha-e-aish ko kya ho gaya

ye hi afsana hai kya tha kya hua

kya kiya tu ne ye charKH-e-pur-jafa

ye sitam tha ai sitamgar kab rawa

pa-barahna ghar se nikle mard o zan

log dehli ke hain sare nara-zan

aah-bar-lab chashm-e-pur-nam zard rau

hai pareshani qayamat mu-ba-mu

hae hae ki sada hai chaar-su

KHak mein sab ki mili hai aabru

pa-barahna ghar se nikle mard o zan

log dehli ke hain sare nara-zan

shahar tha ye sani-e-KHuld-barin

is chaman ke gul hue sahra-nashin

ho gai viran dehli ki zamin

is sitam par dil hai rota ai 'mubin'

pa-barahna ghar se nikle mard o zan

log dehli ke hain sare nara-zan