aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

جفائے دل شکن

غلام دستگیر مبین

جفائے دل شکن

غلام دستگیر مبین

MORE BYغلام دستگیر مبین

    یہ نئی ہے گردش چرخ کہن

    دشمن جاں ہے جفائے دل شکن

    وہ بلا آئی گئی ہے دل پہ بن

    اب نہیں ہے ہائے جائے دم زدن

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    پہلے محشر سے قیامت آ گئی

    حشر کے سر پر مصیبت آ گئی

    لب پہ گردوں کے شکایت آ گئی

    جان پر افسوس آفت آ گئی

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    لٹ گیا اسباب چھوڑا سب نے گھر

    اب ہے صحرائے مصیبت کا سفر

    حال بد پر اپنے ہر دم ہے نظر

    اس مصیبت کی نہ تھی اصلاً خبر

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    مفلسی کی ہر طرف اب ہے پکار

    مال کو روتے ہیں اپنے مال دار

    غم ہے کھانے کے لیے لیل و نہار

    آب کی جا اشک دے ہے چشم زار

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    پاؤں میں جوتی نہ سر پر ہے کلاہ

    تن ہے عریاں ساری خلقت ہے تباہ

    ہے فلک کے ظلم پر سب کے نگاہ

    خستہ دل اللہ سے ہیں داد خواہ

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    ہے قیامت کا نمونہ دیکھ لو

    کچھ نہ بیٹے کی خبر ہے باپ کو

    بھائی کی بھائی کو کب ہے جستجو

    باغ عالم میں نہیں الفت کی بو

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    فرش گل کی جا ہے بستر خار کا

    رنگ فق ہے ہر جگر افگار کا

    صدمہ ہے اندوہ کے آزار کا

    دل فسردہ حال ہے بیمار کا

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    خواب ہائے عیش کو کیا ہو گیا

    یہ ہی افسانہ ہے کیا تھا کیا ہوا

    کیا کیا تو نے یہ چرخ پر جفا

    یہ ستم تھا اے ستم گر کب روا

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    آہ بر لب چشم پر نم زرد رو

    ہے پریشانی قیامت مو بہ مو

    ہائے ہائے کی صدا ہے چار سو

    خاک میں سب کی ملی ہے آبرو

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    شہر تھا یہ ثانئ خلد بریں

    اس چمن کے گل ہوئے صحرا نشیں

    ہو گئی ویران دہلی کی زمیں

    اس ستم پر دل ہے روتا اے مبیںؔ

    پا برہنہ گھر سے نکلے مرد و زن

    لوگ دہلی کے ہیں سارے نعرہ زن

    مأخذ:

    Hamari Qaumi Shaeri (Pg. 230)

    • مصنف: Ali Jawad Zaidi
      • اشاعت: 1998
      • ناشر: Uttar Pradesh Urdu Acadmi (Lucknow)
      • سن اشاعت: 1998

    موضوعات

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے