Dhalti raat

kaun jaane ki abhī raat hai kitnī baaqī

umr-e-hangāma-e-zulmāt hai kitnī baaqī

abhī har samt dhuāñ-dhār ghaTā chhā.ī hai

paḌ rahī hai abhī ākāsh se tārīk phuvār

abhī zindān-e-ḳhamoshī ke siyah hujre meñ

sun rahā huuñ kisī nāgin kī musalsal phunkār

ḳhauf se dubke hue baiThe haiñ sad.hā panchhī

tah-ba-tah shāḳhoñ kī tārīk guphāoñ meñ abhī

saañs lene pe haiñ majbūr sulagte hue raag

ik fusūñ-kār ḳhunuk ḳhvāb kī chhāñv meñ abhī

ālam-e-yās meñ haiñ peḌ abhī mahv-e-duā

jānib-e-charḳh uThā.e hue apnī bāheñ

kaun jaane ki abhi raat hai kitni baqi

umr-e-hangama-e-zulmat hai kitni baqi

abhi har samt dhuan-dhaar ghaTa chhai hai

paD rahi hai abhi aakash se tarik phuwar

abhi zindan-e-KHamoshi ke siyah hujre mein

sun raha hun kisi nagin ki musalsal phunkar

KHauf se dubke hue baiThe hain sadha panchhi

tah-ba-tah shaKHon ki tarik guphaon mein abhi

sans lene pe hain majbur sulagte hue rag

ek fusun-kar KHunuk KHwab ki chhanw mein abhi

aalam-e-yas mein hain peD abhi mahw-e-dua

jaanib-e-charKH uThae hue apni bahen