dhanak

phir aaj mere tasavvur meñ motiyā jaagā

phir aaj sabz parī utrī chhamchhamātī huī

phir aaj Dāliyāñ phūloñ kī raqs karne lagīñ

phir aaj ḳhushbūoñ se bām-o-dar mahakne lage

phir aaj phail gayā rūh-o-dil meñ sail-e-jamāl

asar na dard kā baaqī rahā na ġham kā ḳhayāl

phir uTThā chiḌiyoñ kā ek jhunD chachahātā huā

havā hare bhare khetoñ se uTThī gaatī huī

maiñ dekhne lagī sunñe lagī nikharne lagī

chahakne lag ga.ī sajne lagī sañvarne lagī

vo merā gaañv kā ghar laal laal khapre kā

phir us kī oltī se ThanDī dhaar girne lagī

vo ThanDī dhaar merī ruuh meñ samāne lagī

bhigone lag ga.ī mujh ko

maiñ khilkhilāne lagī

phir aaj mere tasawwur mein motiya jaga

phir aaj sabz pari utri chhamchhamati hui

phir aaj Daliyan phulon ki raqs karne lagin

phir aaj KHushbuon se baam-o-dar mahakne lage

phir aaj phail gaya ruh-o-dil mein sail-e-jamal

asar na dard ka baqi raha na gham ka KHayal

phir uTTha chiDiyon ka ek jhunD chachahata hua

hawa hare bhare kheton se uTThi gati hui

main dekhne lagi sunne lagi nikharne lagi

chahakne lag gai sajne lagi sanwarne lagi

wo mera ganw ka ghar lal lal khapre ka

phir us ki olti se ThanDi dhaar girne lagi

wo ThanDi dhaar meri ruh mein samane lagi

bhigone lag gai mujh ko

main khilkhilane lagi