dharti ki sulagti chhati se bechain sharare puchhte hain

dhartī kī sulagtī chhātī se bechain sharāre pūchhte haiñ

tum log jinheñ apnā na sake vo ḳhuun ke dhāre pūchhte haiñ

saḌkoñ kī zabāñ chillātī hai sāgar ke kināre pūchhte haiñ

ye kis kā lahū hai kaun marā ai rahbar-e-mulk-o-qaum batā

ye jalte hue ghar kis ke haiñ ye kaTte hue tan kis ke haiñ

taqsīm ke andar tūfāñ meñ luTte hue gulshan kis ke haiñ

bad-baḳht fazā.eñ kis kī haiñ barbād nasheman kis ke haiñ

kuchh ham bhī suneñ ham ko bhī sunā

kis kaam ke haiñ ye dīn-dharm jo sharm kā dāman chaak kareñ

kis tarah ke haiñ ye desh-bhagat jo baste gharoñ ko ḳhaak kareñ

ye rūheñ kaisī rūheñ haiñ jo dhartī ko nāpāk kareñ

āñkheñ to uThā nazreñ to milā

jis raam ke naam pe ḳhuun bahe us raam kī izzat kyā hogī

jis diin ke hāthoñ laaj luTe is diin kī qīmat kyā hogī

insān kī is zillat se pare shaitān kī zillat kyā hogī

ye ved haTā qur.ān uThā

ye kis kā kaho hai kaun mirā

ai rahbar-e-mulk-o-qaum batā

dharti ki sulagti chhati se bechain sharare puchhte hain

tum log jinhen apna na sake wo KHun ke dhaare puchhte hain

saDkon ki zaban chillati hai sagar ke kinare puchhte hain

ye kis ka lahu hai kaun mara ai rahbar-e-mulk-o-qaum bata

ye jalte hue ghar kis ke hain ye kaTte hue tan kis ke hain

taqsim ke andar tufan mein luTte hue gulshan kis ke hain

bad-baKHt fazaen kis ki hain barbaad nasheman kis ke hain

kuchh hum bhi sunen hum ko bhi suna

kis kaam ke hain ye din-dharm jo sharm ka daman chaak karen

kis tarah ke hain ye desh-bhagat jo baste gharon ko KHak karen

ye ruhen kaisi ruhen hain jo dharti ko napak karen

aankhen to uTha nazren to mila

jis ram ke nam pe KHun bahe us ram ki izzat kya hogi

jis din ke hathon laj luTe is din ki qimat kya hogi

insan ki is zillat se pare shaitan ki zillat kya hogi

ye wed haTa quran uTha

ye kis ka kaho hai kaun mera

ai rahbar-e-mulk-o-qaum bata