dharti mata

yaad hai mujh ko jab maiñ chaḌh kar

ek pahāḌī kī choTī par

shāḳh pe ek daraḳht ke baiThā

kartā thā maiñ terā nazārā

kosoñ tak vo terā sheva

dhānī māshī kā hī bhūrā

kosoñ tak vo tere maidāñ

suthre saaf chaTīle maidāñ

chhiTkī chhiTkī jhāḌiyāñ us par

qudrat kī gul-kāriyāñ us par

taal talayyāñ dariyā retī

baaġh chaman ābādī khetī

aise the sab merī nazar meñ

paa.eñ baaġh ho jaise ghar meñ

jab maiñ ye sab dekh rahā thā

ḳhush thā dil aur ye kahtā thā

hadd-e-nazar ko aur baḌhā.ūñ

aisī bulandī par chaḌh jā.ūñ

aisī choTī par jā baiThūñ maiñ

saaf jahāñ se dekh sakūñ maiñ

shahr aur suube gaañv aur qasbe

bikhre bikhre chhiTke chhiTke

saarā qudrat kā furniture

mere aage aa.e simaT kar

saarī insānī ābādī

ya.anī duniyā kī ābādī

mere aage khel rahī ho

rotī gaatī aur hañstī ho

is mahviyyat meñ jab maiñ thā

mujh ko huā mālūm ki goyā

koī mujh ko khīñch rahā hai

chauñk paḌā maiñ kaun hai kyā hai

yaad hai mujh ko jab main chaDh kar

ek pahaDi ki choTi par

shaKH pe ek daraKHt ke baiTha

karta tha main tera nazara

koson tak wo tera shewa

dhani mashi ka hi bhura

koson tak wo tere maidan

suthre saf chaTile maidan

chhiTki chhiTki jhaDiyan us par

qudrat ki gul-kariyan us par

tal talayyan dariya reti

bagh chaman aabaadi kheti

aise the sab meri nazar mein

paen bagh ho jaise ghar mein

jab main ye sab dekh raha tha

KHush tha dil aur ye kahta tha

hadd-e-nazar ko aur baDhaun

aisi bulandi par chaDh jaun

aisi choTi par ja baiThun main

saf jahan se dekh sakun main

shahr aur sube ganw aur qasbe

bikhre bikhre chhiTke chhiTke

sara qudrat ka furniture

mere aage aae simaT kar

sari insani aabaadi

yani duniya ki aabaadi

mere aage khel rahi ho

roti gati aur hansti ho

is mahwiyyat mein jab main tha

mujh ko hua malum ki goya

koi mujh ko khinch raha hai

chaunk paDa main kaun hai kya hai