dhund se lipTa rasta

mere andar

mire aage pīchhe bhī maiñ huuñ

zamānoñ ke sāyoñ kī vus.at sameTe

mirā dā.era apne imkān kī had pe nauha-kunāñ hai

jahāñ dhund ke saath bahtī huī maut

ab ek jañgal banā.e khaḌī hai

mirī aañkh meñ munjamid ḳhauf tahlīl hone ko tayyār hai

ye vo lamha hai

jis kī gavāhī kī namkīnī merā halāl badan hai

magar kyā ye mere liye hai?

kisī aur kī aañkh meñ ḳhauf tahlīl hone ko tayyār bhī hai?

mere andar

mire aage pīchhe koī aur bhī hai?

jahāñ maiñ khaḌā huuñ

vahāñ maut kī uñgliyāñ jañgalī ḳhauf bunñe meñ masrūf haiñ

yahāñ se bahut duur

ik nīl-gūñ jhiil meñ tairtī machhliyāñ

apnī āñkhoñ kī hairāniyāñ

saaf shaffāf, paanī meñ yuuñ gholtī haiñ

mire hoñT jaise kisī jism ke ā.īne ke tahayyur ko toḌeñ

vahāñ koī taaza havāoñ ke dariyā meñ

tairāk hone kī ḳhvāhish jagātā hai

lekin jahāñ maiñ khaḌā huuñ

vahāñ zindagī DhūñDne kī mashaqqat (mashiyat)

hameñ zinda rahne pe majbūr to kar rahī hai

magar āsmānoñ pe nazreñ jamā.e hue

ham ko patthar chabāne kā aadī banā.e hue

mere andar

mere aage pichhe bhi main hun

zamanon ke sayon ki wusat sameTe

mera daera apne imkan ki had pe nauha-kunan hai

jahan dhund ke sath bahti hui maut

ab ek jangal banae khaDi hai

meri aankh mein munjamid KHauf tahlil hone ko tayyar hai

ye wo lamha hai

jis ki gawahi ki namkini mera halal badan hai

magar kya ye mere liye hai?

kisi aur ki aankh mein KHauf tahlil hone ko tayyar bhi hai?

mere andar

mere aage pichhe koi aur bhi hai?

jahan main khaDa hun

wahan maut ki ungliyan jangali KHauf bunne mein masruf hain

yahan se bahut dur

ek nil-gun jhil mein tairti machhliyan

apni aankhon ki hairaniyan

saf shaffaf, pani mein yun gholti hain

mere honT jaise kisi jism ke aaine ke tahayyur ko toDen

wahan koi taza hawaon ke dariya mein

tairak hone ki KHwahish jagata hai

lekin jahan main khaDa hun

wahan zindagi DhunDne ki mashaqqat (mashiyat)

hamein zinda rahne pe majbur to kar rahi hai

magar aasmanon pe nazren jamae hue

hum ko patthar chabane ka aadi banae hue