ڈھونڈتے جائیں کرن

زندگی

آسان بھی

مشکل بھی تھی

گنجلک اتنی نہ تھی

گرد اتنی جم گئی ہے

ذہن کے آئینے پر

دھند میں ڈوبی نظر آتی ہے

ساری کائنات

دل کے ریشوں میں

سیاہی جم گئی ہے بے طرح

ایسا لگتا ہے

کہ

دلدل میں اترتے جا رہے ہیں

لمحہ لمحہ ہم سبھی

صوت گم

اور

ڈوبنے کو ہے سسکتی روشنی

آسماں کی آنکھ شق ہونے کو ہے

جو ہے لا حاصل

اسے حاصل سمجھ کر کیوں نہ ہم

ڈھونڈتے جائیں کرن اثبات کی

زندگی

آسان بھی

مشکل بھی ہے

گنجلک بھی ہے

مگر