dhup ka azab

dhuup

khaḌī thī bāhar

intizār meñ hamāre

ki hameñ jalā kar

kar de raakh

lekin ham

maut se be-ḳhabar

chhoTe se restaurant

cipla meñ baiThe

dekh rahe the mustaqbil ke ḳhvāb

amn aur ḳhidmat kī alāmat

safed vardī ne

jab ye hameñ batāyā

ki shahr meñ hindū-muslim fasād ho gayā hai

to hāthoñ se ham us ke

ThanDe paanī se bhare hue

gilās le kar pī ga.e

dhuup ke azaab se

ham bhaag kar

yahāñ aa.e the

ham ne apne

kaan band kar liye

aur kho ga.e apnī bātoñ meñ

lekin

dūsre tabloñ kī plaToñ meñ

afvāheñ khanaktī rahīñ

bāhar dhuup

khaḌī thī intizār meñ hamāre

ki hameñ jalā kar

kar de raakh

dhup

khaDi thi bahar

intizar mein hamare

ki hamein jala kar

kar de rakh

lekin hum

maut se be-KHabar

chhoTe se restaurant

cipla mein baiThe

dekh rahe the mustaqbil ke KHwab

amn aur KHidmat ki alamat

safed wardi ne

jab ye hamein bataya

ki shahr mein hindu-muslim fasad ho gaya hai

to hathon se hum us ke

ThanDe pani se bhare hue

gilas le kar pi gae

dhup ke azab se

hum bhag kar

yahan aae the

hum ne apne

kan band kar liye

aur kho gae apni baaton mein

lekin

dusre tablon ki plaTon mein

afwahen khanakti rahin

bahar dhup

khaDi thi intizar mein hamare

ki hamein jala kar

kar de rakh