دیوالی

دیے چاروں طرف ہر جا فروزاں دیکھتا ہوں میں

نظر پڑتی ہے جس پر بھی درخشاں دیکھتا ہوں میں

فضاؤں میں خوشی کا رقص عریاں دیکھتا ہوں میں

وطن کو اس گھڑی فرحت بداماں دیکھتا ہوں میں

علاج تنگیٔ دامان یاراں چاہتا ہوں میں

نفاق کفر و ایماں کو گریزاں چاہتا ہوں میں

منور سینہ ہو جائے فروغ شمع الفت سے

دل اہل وطن کو بھی فروزاں چاہتا ہوں میں

اندھیرا گھر میں ہو باہر اجالا ہو تو کیا حاصل

وطن والو دلوں میں بھی اجالا چاہتا ہوں میں