diwali

diye chāroñ taraf har jā farozāñ dekhtā huuñ maiñ

nazar paḌtī hai jis par bhī daraḳhshāñ dekhtā huuñ maiñ

fazāoñ meñ ḳhushī kā raqs-e-'uryāñ dekhtā huuñ maiñ

vatan ko is ghaḌī farhat-badāmāñ dekhtā huuñ maiñ

'ilāj-e-tangī-e-dāmān-e-yārāñ chāhtā huuñ maiñ

nifāq-e-kufr-o-īmāñ ko gurezāñ chāhtā huuñ maiñ

munavvar siina ho jaa.e faroġh-e-sham'-e-ulfat se

dil-e-ahl-e-vatan ko bhī farozāñ chāhtā huuñ maiñ

añdherā ghar meñ ho bāhar ujālā ho to kyā hāsil

vatan vaalo diloñ meñ bhī ujālā chāhtā huuñ maiñ

diye chaaron taraf har ja farozan dekhta hun main

nazar paDti hai jis par bhi daraKHshan dekhta hun main

fazaon mein KHushi ka raqs-e-'uryan dekhta hun main

watan ko is ghaDi farhat-badaman dekhta hun main

'ilaj-e-tangi-e-daman-e-yaran chahta hun main

nifaq-e-kufr-o-iman ko gurezan chahta hun main

munawwar sina ho jae farogh-e-sham'-e-ulfat se

dil-e-ahl-e-watan ko bhi farozan chahta hun main

andhera ghar mein ho bahar ujala ho to kya hasil

watan walo dilon mein bhi ujala chahta hun main