diwana

yaad hogā tujhe raat kī baat hai

koī dīvāna āvāra-e-kūcha-e-dil-barāñ

aa gayā thā tirī bazm meñ raat ko

rāhat-e-dil samajhte hue apnī mahfil samajhte hue

chand farzāne us bazm meñ vāris-e-bazm the

anjuman meñ tirī sochtā rah gayā

kaisī mahfil hai ye

bazm se duur rah kar bhī nazdīk thā

ajnabī kī tarah

ajnabī ajnabī hī rahā

raat kaTtī rahī

sham.a kī tarah shab bhar pighaltā rahā

apne hī dil ke sho.aloñ meñ jaltā rahā

āḳhir-e-shab

dāman-e-dil jo bhīgā to palkeñ bujhīñ

koī monis nahīñ

koī āñchal nahīñ koī dāman nahīñ

daf.atan

ek siskī sī gūñjī fazā meñ magar

chal rahī thī nasīm-e-sahar

dard-e-dil

aur baḌhtā gayā aur baḌhtā gayā

raat kī sham.a bhī gul huī

sub.h-dam chand farzāne paas aa ga.e

qahqahe guuñj uThe dūr-o-nazdīk se

ek ne muskurā kar kahā

ye to dīvāna thā mar gayā

ek parvāna kal raat ko bhīgtī raat meñ jal gayā

ek dīvāna kal raat ko

yaad hoga tujhe raat ki baat hai

koi diwana aawara-e-kucha-e-dil-baran

aa gaya tha teri bazm mein raat ko

rahat-e-dil samajhte hue apni mahfil samajhte hue

chand farzane us bazm mein waris-e-bazm the

anjuman mein teri sochta rah gaya

kaisi mahfil hai ye

bazm se dur rah kar bhi nazdik tha

ajnabi ki tarah

ajnabi ajnabi hi raha

raat kaTti rahi

shama ki tarah shab bhar pighalta raha

apne hi dil ke shoalon mein jalta raha

aaKHir-e-shab

daman-e-dil jo bhiga to palken bujhin

koi monis nahin

koi aanchal nahin koi daman nahin

dafatan

ek siski si gunji faza mein magar

chal rahi thi nasim-e-sahar

dard-e-dil

aur baDhta gaya aur baDhta gaya

raat ki shama bhi gul hui

subh-dam chand farzane pas aa gae

qahqahe gunj uThe dur-o-nazdik se

ek ne muskura kar kaha

ye to diwana tha mar gaya

ek parwana kal raat ko bhigti raat mein jal gaya

ek diwana kal raat ko