diwaron ka jangal jis ka aabaadi hai nam
dīvāroñ kā jañgal jis kā ābādī hai naam
bāhar se chup chup lagtā hai andar se kohrām
dīvāroñ ke is jañgal meñ bhaTak rahe insān
apne apne uljhe dāman jhaTak rahe insān
apnī biitī chhoḌ ke aa.e kaun kisī ke kaam
bāhar se chup chup lagtā hai andar se kohrām
siine ḳhālī āñkheñ suunī chehre pe hairānī
jitne ghane hañgāme us meñ utnī ghanī vīrānī
rāteñ qātil sub.heñ mujrim mulzim hai har shaam
bāhar se chup chup lagtā hai andar hai kohrām
haal na pūchheñ dard na bāñTeñ us jañgal ke log
apnā apnā sukh hai sab kā apnā apnā sog
koī nahīñ jo haath baḌhā kar girtoñ ko le thaam
bāhar se chup chup lagtā hai andar hai kohrām
bebas ko doshī Thahrā.e us jañgal kā nayāy
sach kī laash pe koī na ro.e jhuuT ko siis navā.e
patthar kī un dīvāroñ meñ patthar ho ga.e raam
bāhar se chup chup lagtā hai andar hai kohrām
diwaron ka jangal jis ka aabaadi hai nam
bahar se chup chup lagta hai andar se kohram
diwaron ke is jangal mein bhaTak rahe insan
apne apne uljhe daman jhaTak rahe insan
apni biti chhoD ke aae kaun kisi ke kaam
bahar se chup chup lagta hai andar se kohram
sine KHali aankhen suni chehre pe hairani
jitne ghane hangame us mein utni ghani virani
raaten qatil subhen mujrim mulzim hai har sham
bahar se chup chup lagta hai andar hai kohram
haal na puchhen dard na banTen us jangal ke log
apna apna sukh hai sab ka apna apna sog
koi nahin jo hath baDha kar girton ko le tham
bahar se chup chup lagta hai andar hai kohram
bebas ko doshi Thahrae us jangal ka nayay
sach ki lash pe koi na roe jhuT ko sis nawae
patthar ki un diwaron mein patthar ho gae ram
bahar se chup chup lagta hai andar hai kohram
- Book : Kulliyat-e-Sahir Ludhianvi (Pg. 452)
- Author : SAHIR LUDHIANVI
- Publication : Farid Book Depot (Pvt.) Ltd
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.