dil ka moamla

ham be-hisāb mohabbat karte haiñ

kisī ko is qadar chāhe jaanā

dīvāngī ka vāhima hai

phuul nagar ke khoTe hue logoñ kī talāsh

shahar meñ hañgāma ḳharīdte logoñ ke iflās

ham kisī ko na chāhte hue bhī

kisī se mansūb ho jaate haiñ

sadiyoñ kī tavīl judā.ī

vo sulagte dil par muskurāte guzar jaatī hai

dil ka mo.āmla añdhere meñ mashkūk ho jaatā hai

kohar-ālūd dil meñ ye kaun dhaḌaktā hai

patthar ke aadmī kī tarah gum-sum

jo agnī kathā sunā bhī na sake

pītal ke nāḳhun vaalā zālim

vo lohe ke hāthoñ vaalā qātil

raat ke kisī suhāne pahar

terī shab kī lagan

mujhe lamha bhar ke liye bedār kar detī hai

kyā dar-e-yādgār ke hāfize par

ab bhī merā naam kunda hai

tū hī batā

kab tak tere ishq par naaz karūñ

kab tak terī yaad meñ dar-ba-dar phirūñ

hum be-hisab mohabbat karte hain

kisi ko is qadar chahe jaana

diwangi ka wahima hai

phul nagar ke khoTe hue logon ki talash

shahar mein hangama KHaridte logon ke iflas

hum kisi ko na chahte hue bhi

kisi se mansub ho jate hain

sadiyon ki tawil judai

wo sulagte dil par muskuraate guzar jati hai

dil ka moamla andhere mein mashkuk ho jata hai

kohar-alud dil mein ye kaun dhaDakta hai

patthar ke aadmi ki tarah gum-sum

jo agni katha suna bhi na sake

pital ke naKHun wala zalim

wo lohe ke hathon wala qatil

raat ke kisi suhane pahar

teri shab ki lagan

mujhe lamha bhar ke liye bedar kar deti hai

kya dar-e-yaadgar ke hafize par

ab bhi mera nam kunda hai

tu hi bata

kab tak tere ishq par naz karun

kab tak teri yaad mein dar-ba-dar phirun