dil ki aaKHiri tah mein

be-kalī na be-zārī

nai koī udāsī hai

dekhne ko lahje meñ

ḳhafagiyāñ nahīñ miltīñ

ek chup sī hai lekin

guftugū ke zamzam ko

rok rok detī hai

har adā-e-be-parvā

thaam thaam letī hai

bolne se pahle jo

sochne ko kahtī hai

har suḳhan mukammal hai

phir bhī harf kahte haiñ

baat nā-mukammal hai

qurbatoñ kī bārish meñ

ik gurez kā lamha

ab bhī dhul nahīñ paayā

haath se tadabbur ke

zehn-o-dil kī uljhan kā

ik ḳhafīf sā resham

ab bhī khul nahīñ paayā

zaḳhm be yaqīnī kā

mundamil huā lekin

rog kī ikaa.ī to

ab bhī saañs letī hai

vaqt ke salīqe ne

dukh kī ek silvaT par

ik dhulī huī muskān

khol kar bichhā dī hai

ās-pās rah kar bhī

sub.h-o-shām karne meñ

is qadar na kho jaanā

be-ḳhabar na ho jaanā

dil kī āḳhirī tah meñ

koī baat rahtī hai

be-kali na be-zari

nai koi udasi hai

dekhne ko lahje mein

KHafagiyan nahin miltin

ek chup si hai lekin

guftugu ke zamzam ko

rok rok deti hai

har ada-e-be-parwa

tham tham leti hai

bolne se pahle jo

sochne ko kahti hai

har suKHan mukammal hai

phir bhi harf kahte hain

baat na-mukammal hai

qurbaton ki barish mein

ek gurez ka lamha

ab bhi dhul nahin paya

hath se tadabbur ke

zehn-o-dil ki uljhan ka

ek KHafif sa resham

ab bhi khul nahin paya

zaKHm be yaqini ka

mundamil hua lekin

rog ki ikai to

ab bhi sans leti hai

waqt ke saliqe ne

dukh ki ek silwaT par

ek dhuli hui muskan

khol kar bichha di hai

aas-pas rah kar bhi

subh-o-sham karne mein

is qadar na kho jaana

be-KHabar na ho jaana

dil ki aaKHiri tah mein

koi baat rahti hai