dilasa

chain se kaaT le lamhāt-e-asīrī ai dil

niiñd se chauñk ke taskīn na kho sabr to kar

tund-ḳhū ye tire lamhāt-e-asīrī ai dil

tere anfās kī garmī se harārat pā kar

sīḳhchoñ meñ se guzarte hue

phāñdte toḌte dīvār-o-dar-e-zindāñ ko

raat kī rāj-dulārī ko thapakte gaate

sub.h ke shoḳh sitāre kī taraf baḌhte hue

sū-e-ḳhvābīda-sahar

matla-e-anvār kī samt

baḌh rahe haiñ na.ī ummīd kā dāman thāme

tund-raftārī-e-lamhāt-e-asīrī kī qasam

niiñd se chauñk ke taskīn na kho

sabr to kar

chain se kaT le lamhat-e-asiri ai dil

nind se chaunk ke taskin na kho sabr to kar

tund-KHu ye tere lamhat-e-asiri ai dil

tere anfas ki garmi se hararat pa kar

siKHchon mein se guzarte hue

phandte toDte diwar-o-dar-e-zindan ko

raat ki raj-dulari ko thapakte gate

subh ke shoKH sitare ki taraf baDhte hue

su-e-KHwabida-sahar

matla-e-anwar ki samt

baDh rahe hain nai ummid ka daman thame

tund-raftari-e-lamhat-e-asiri ki qasam

nind se chaunk ke taskin na kho

sabr to kar