Dimensions

vahī bahār o ḳhizāñ hai mujh meñ bhī

mujh se bāhar bhī

(ādmī se alag nahīñ huuñ)

shagūfe phūTeñ to ḳhuun meñ giit bolte haiñ

kabhī kabhī ḳhaar kī khaTak Tiis ban ke hoñToñ se jhāñktī hai

na-jāne kitne hī giit the jo bahār se pahle

shāḳh kī rag meñ jī rahe the

jaḌoñ kā buḳhl un ko khā gayā hai

ye ḳhār, sautele beTe shāḳhoñ ke

in tak aayā nahīñ hai nam

phir bhī jī rahe haiñ

(chamakte sūraj kā saarā sach un ke batn meñ hai)

tapish kī shiddat ko pī ke sūkhe saḌe hue haiñ

pa jī rahe haiñ

mujhe ḳhizāñ aur bahār ke rābtoñ meñ jiinā hai

phuul kā iltifāt kāñTe ke talḳh ta.ane

mire havāle haiñ

jaḌ kā nam, āftāb kī tab

mire hunar meñ hī boltī hai

maiñ kitnī sat.hoñ pe jī rahā huuñ

kabhī koī phuul muskurā.e

kabhī koī ḳhaar dil dukhā.e

to mujh tak aanā

ye nazm donoñ kā mājrā hai

wahi bahaar o KHizan hai mujh mein bhi

mujh se bahar bhi

(admi se alag nahin hun)

shagufe phuTen to KHun mein git bolte hain

kabhi kabhi KHar ki khaTak Tis ban ke honTon se jhankti hai

na-jaane kitne hi git the jo bahaar se pahle

shaKH ki rag mein ji rahe the

jaDon ka buKHl un ko kha gaya hai

ye KHar, sautele beTe shaKHon ke

in tak aaya nahin hai nam

phir bhi ji rahe hain

(chamakte suraj ka sara sach un ke batn mein hai)

tapish ki shiddat ko pi ke sukhe saDe hue hain

pa ji rahe hain

mujhe KHizan aur bahaar ke rabton mein jina hai

phul ka iltifat kanTe ke talKH tane

mere hawale hain

jaD ka nam, aaftab ki tab

mere hunar mein hi bolti hai

main kitni sathon pe ji raha hun

kabhi koi phul muskurae

kabhi koi KHar dil dukhae

to mujh tak aana

ye nazm donon ka majra hai