din diwangat hue

roz aañsū bahe roz aahat hue

raat ghāyal huī din divañgat hue

ham jinheñ har ghaḌī yaad karte rahe

rikt man meñ na.ī pyaas bharte rahe

roz jin ke hirdai meñ utarte rahe

ve sabhī din chitā kī lapaT par rakhe

roz jalte hue āḳhirī ḳhat hue

din divañgat hue

shīsh par sūrya ko jo sambhāle rahe

nain meñ jyotī kā diip baale rahe

aur jin ke diloñ meñ ujāle rahe

ab vahī din kisī raat kī bhūmī par

ek girtī huī shaam kī chhat hue

din divañgat hue

jo abhī saath the haañ abhī haañ abhī

ve ga.e to ga.e phir na lauTe kabhī

hai pratikshā unhīñ kī hameñ aaj bhī

din ki jo parān ke moh meñ band the

aaj chorī ga.ī vo hī daulat hue

din divañgat hue

chāñdnī bhī hameñ dhuup ban kar milī

rah ga.ī zindagī kī kalī adh-khilī

ham jahāñ haiñ vahāñ roz dhartī hilī

har taraf shor thā aur is shor meñ

ye sadā ke liye maun kā varat hue

din divañgat hue

roz aansu bahe roz aahat hue

raat ghayal hui din diwangat hue

hum jinhen har ghaDi yaad karte rahe

rikt man mein nai pyas bharte rahe

roz jin ke hirdai mein utarte rahe

we sabhi din chita ki lapaT par rakhe

roz jalte hue aaKHiri KHat hue

din diwangat hue

shish par surya ko jo sambhaale rahe

nain mein jyoti ka dip baale rahe

aur jin ke dilon mein ujale rahe

ab wahi din kisi raat ki bhumi par

ek girti hui sham ki chhat hue

din diwangat hue

jo abhi sath the han abhi han abhi

we gae to gae phir na lauTe kabhi

hai pratiksha unhin ki hamein aaj bhi

din ki jo paran ke moh mein band the

aaj chori gai wo hi daulat hue

din diwangat hue

chandni bhi hamein dhup ban kar mili

rah gai zindagi ki kali adh-khili

hum jahan hain wahan roz dharti hili

har taraf shor tha aur is shor mein

ye sada ke liye maun ka warat hue

din diwangat hue