din ki aankh mein kankar

jaane kitnī sadiyoñ se

chal rahī hai ye duniyā

manzileñ nahīñ hotīñ

sirf naam hote haiñ

aadmī nahīñ chalte

sirf saa.e hilte haiñ

sard suune kamroñ meñ

chyūñTiyoñ kī sūrat se

reñgte hue saa.e

ghaT rahe haiñ barsoñ se

kaash aisā ho jaa.e

saaf suthrā sā koī

āsmān mil jaa.e

kaise peḌ the jin kī

ThanDī chhāñv meñ ham ne

vaqt kuchh guzārā thā

ye zamīn apnī hai

āsmāñ hamārā hai

kitnī jhūTī bātoñ kā

bojh sar pe laadā thā

pyaas ik samundar hai

ḳhvāhishoñ ke jangal meñ

barf jam rahī thī ab

dhuup phir nikal aa.ī

zindagī to dhokā hai

vaqt hai na mauqa hai

din kī aañkh meñ kankar

sūrajoñ kī dhartī par

jā rahe haiñ zor-āvar

kaun jiit pā.egā

kaun haar jā.egā

ye sadāoñ ke patthar

terī rahguzāroñ meñ

kho ga.e haiñ jo lamhe

yaad tak nahīñ aate

vaqt hī nahīñ miltā

raat din ke pīchhe hai

TuuTe phūTe rastoñ par

kitnī duur tak chalte

thak ke so ga.e hoñge

log kho ga.e hoñge

kaun aa.egā chhoḌo

band kar lo darvāza

so ga.ī haiñ saḌkeñ bhī

kis tarah samā.egī

mere ghar meñ tanhā.ī

maiñ ne jeb meñ bhar lī

raushnī samundar kī

merī khoj meñ dhartī

har dishā meñ jā.egī

niiñd ke dhuñdalkoñ meñ

aañkh khulte tak yuuñ hī

intizār karnā hai

jaane kitni sadiyon se

chal rahi hai ye duniya

manzilen nahin hotin

sirf nam hote hain

aadmi nahin chalte

sirf sae hilte hain

sard sune kamron mein

chyunTiyon ki surat se

rengte hue sae

ghaT rahe hain barson se

kash aisa ho jae

saf suthra sa koi

aasman mil jae

kaise peD the jin ki

ThanDi chhanw mein hum ne

waqt kuchh guzara tha

ye zamin apni hai

aasman hamara hai

kitni jhuTi baaton ka

bojh sar pe lada tha

pyas ek samundar hai

KHwahishon ke jangal mein

barf jam rahi thi ab

dhup phir nikal aai

zindagi to dhoka hai

waqt hai na mauqa hai

din ki aankh mein kankar

surajon ki dharti par

ja rahe hain zor-awar

kaun jit paega

kaun haar jaega

ye sadaon ke patthar

teri rahguzaron mein

kho gae hain jo lamhe

yaad tak nahin aate

waqt hi nahin milta

raat din ke pichhe hai

TuTe phuTe raston par

kitni dur tak chalte

thak ke so gae honge

log kho gae honge

kaun aaega chhoDo

band kar lo darwaza

so gai hain saDken bhi

kis tarah samaegi

mere ghar mein tanhai

main ne jeb mein bhar li

raushni samundar ki

meri khoj mein dharti

har disha mein jaegi

nind ke dhundalkon mein

aankh khulte tak yun hi

intizar karna hai