do gadhe

jā rahe the do gadhe ek raah se

apnī nādānī pe vo nāzāñ hue

rāsta gum thā ġhubār-o-gard se

jā rahe the gaDariye bheḌeñ liye

sochte jaate the kuchh donoñ gadhe

rāsta tai kar rahe the sochte

aage vaalā dil se yuuñ goyā huā

pīchhe jo aatā hai mere ye gadhā

rahnumā.ī kar rahā huuñ us kī maiñ

bādshāhī kar rahā huuñ sab kī maiñ

mujh se baḌh saktā hai kyā ye bhī kahīñ

nāḳhudā huuñ aaj maiñ hī bil-yaqīn

dūsrā bhī jā rahā thā sochtā

huuñ shahanshāh aaj apne vaqt kā

sāmne jaatā hai jo vo hai ġhulām

kar rahā hai aage aage intizām

pīchhe aatā hai mire lashkar tamām

hai hukūmat kā mere dam se nizām

aaj maiñ hī qāfila-sālār huuñ

aur saarī fauj kā sardār huuñ

the ġharaz donoñ usī dhun meñ lage

dekhte hargiz na the vo sāmne

rāsta bhaTke hue the vo magar

jā rahe the phir bhī be-ḳhauf-o-ḳhatar

rāste meñ un ke aayā ik kuaañ

us kī hai.at hī se thī vahshat ayaañ

dham se vo donoñ gadhe us meñ gire

aur girte hī vo donoñ mar ga.e

hosh meñ jo bevaqūf aate nahīñ

aql ko jo kaam meñ laate nahīñ

haal un kā hai gadhoñ se bhī saqīm

vo sazā paate haiñ aisī hī yatīm

honhāro in gadhoñ se daras lo

chhoḌ do sheḳhī ko kaam apnā karo

ja rahe the do gadhe ek rah se

apni nadani pe wo nazan hue

rasta gum tha ghubar-o-gard se

ja rahe the gaDariye bheDen liye

sochte jate the kuchh donon gadhe

rasta tai kar rahe the sochte

aage wala dil se yun goya hua

pichhe jo aata hai mere ye gadha

rahnumai kar raha hun us ki main

baadshahi kar raha hun sab ki main

mujh se baDh sakta hai kya ye bhi kahin

naKHuda hun aaj main hi bil-yaqin

dusra bhi ja raha tha sochta

hun shahanshah aaj apne waqt ka

samne jata hai jo wo hai ghulam

kar raha hai aage aage intizam

pichhe aata hai mere lashkar tamam

hai hukumat ka mere dam se nizam

aaj main hi qafila-salar hun

aur sari fauj ka sardar hun

the gharaz donon usi dhun mein lage

dekhte hargiz na the wo samne

rasta bhaTke hue the wo magar

ja rahe the phir bhi be-KHauf-o-KHatar

raste mein un ke aaya ek kuan

us ki haiat hi se thi wahshat ayan

dham se wo donon gadhe us mein gire

aur girte hi wo donon mar gae

hosh mein jo bewaquf aate nahin

aql ko jo kaam mein late nahin

haal un ka hai gadhon se bhi saqim

wo saza pate hain aisi hi yatim

honhaaro in gadhon se daras lo

chhoD do sheKHi ko kaam apna karo