do kirnen

terī yādoñ kī ye baḳhshī huī alhaḌ ḳhushbū

dil ke vīrāne meñ is tarah se dar aatī hai

jaise bosīda maqābir meñ ujāle kī kiran

toḌ kar halqa-e-zulmāt ko lahrātī hai

tujh se pahle bhī kisī ajnabī raahī ne yahāñ

dil-e-betāb ko ḳhushbū kā sitam baḳhshā thā

phuul se hoñToñ ne zaḳhmoñ ke dahan khole the

nīm-ḳhvābīda nigāhoñ ne vo ġham baḳhshā thā

aaj tak jis ko liye gardish-e-lamhāt ke saath

rāh-guzāroñ pe bhaTaktā huuñ bagūloñ kī tarah

is tamannā meñ ki kaT jā.egī ye dard kī raat

sochtā huuñ tere ma.asūm tabassum kī kiran

ban bhī saktī hai kabhī āḳhir-e-shab kā paiġhām

teri yaadon ki ye baKHshi hui alhaD KHushbu

dil ke virane mein is tarah se dar aati hai

jaise bosida maqabir mein ujale ki kiran

toD kar halqa-e-zulmat ko lahraati hai

tujh se pahle bhi kisi ajnabi rahi ne yahan

dil-e-betab ko KHushbu ka sitam baKHsha tha

phul se honTon ne zaKHmon ke dahan khole the

nim-KHwabida nigahon ne wo gham baKHsha tha

aaj tak jis ko liye gardish-e-lamhat ke sath

rah-guzaron pe bhaTakta hun bagulon ki tarah

is tamanna mein ki kaT jaegi ye dard ki raat

sochta hun tere masum tabassum ki kiran

ban bhi sakti hai kabhi aaKHir-e-shab ka paigham