do october

do october ke din kā

sūraj kitnā zālim thā

jab vo niklā

najm-e-sahar hī Duub gayā

najm-e-sahar vo jis ne ik din

mujh ko raah dikhā.ī thī

jīvan kī pagDanDī par

chalte rahne kī ummīd dilā.ī thī

do october kā vo din

kitnā bhayānak lagtā thā

ḳhuun kī āñdhī le kar aayā

mere dil ke kamre meñ

raushan thā jo ek charāġh

ek hī jhoñke se gul ho kar

chhoḌ gayā thā

siine kī dīvār pe kaisā gahrā daaġh

do october ke din ka

suraj kitna zalim tha

jab wo nikla

najm-e-sahar hi Dub gaya

najm-e-sahar wo jis ne ek din

mujh ko rah dikhai thi

jiwan ki pagDanDi par

chalte rahne ki ummid dilai thi

do october ka wo din

kitna bhayanak lagta tha

KHun ki aandhi le kar aaya

mere dil ke kamre mein

raushan tha jo ek charagh

ek hi jhonke se gul ho kar

chhoD gaya tha

sine ki diwar pe kaisa gahra dagh