doctor aKHtar husain rae puri

ik kahkashāñ sajī thī kabhī āsmān par

is kahkashāñ ke saare sitāre bikhar ga.e

ḳhvāboñ ke saath saath nazāre bikhar ga.e

pechīda-tar masā.il-e-shab.hā-e-zīst haiñ

mīnār raushnī ke dhuñdalkoñ meñ kho ga.e

muḌ kar jo dekhā vaqt ko patthar ke ho ga.e

ab kārvāñ ko samt-e-safar kā hai marhala

sab sang-e-mīl rāh-e-vafā ke ukhaḌ ga.e

tārīḳh kī Dagar ke musāfir bichhaḌ ga.e

taptī huī zamīn shu.ūr-e-hayāt hai

pīpal kī chhāñv dard kā sūraj nigal gayā

bargad kā koī peḌ chaman meñ nahīñ rahā

ḳhūn-e-jigar se harf kā chehra damak uThe

ab fan kī sarhadoñ kā ta.ayyun kare koī

dāmān-e-zindagī ko muzayyan kare koī

me.ār-o-e'tibār-e-adab tīrgī meñ hai

hai shahr-e-fikr der se shab kī panāh meñ

zarrāt-e-nūr dhūñDiye ab gard-e-rāh meñ

ek kahkashan saji thi kabhi aasman par

is kahkashan ke sare sitare bikhar gae

KHwabon ke sath sath nazare bikhar gae

pechida-tar masail-e-shabha-e-zist hain

minar raushni ke dhundalkon mein kho gae

muD kar jo dekha waqt ko patthar ke ho gae

ab karwan ko samt-e-safar ka hai marhala

sab sang-e-mil rah-e-wafa ke ukhaD gae

tariKH ki Dagar ke musafir bichhaD gae

tapti hui zamin shuur-e-hayat hai

pipal ki chhanw dard ka suraj nigal gaya

bargad ka koi peD chaman mein nahin raha

KHun-e-jigar se harf ka chehra damak uThe

ab fan ki sarhadon ka tayyun kare koi

daman-e-zindagi ko muzayyan kare koi

mear-o-e'tibar-e-adab tirgi mein hai

hai shahr-e-fikr der se shab ki panah mein

zarraat-e-nur dhunDiye ab gard-e-rah mein