ڈور
بادل برکھا ندیاں ساگر
ساگر بادل برکھا ندیاں
ایک ڈور کا حصہ ہیں
فردا کے سانچے میں
کل اور آج یوں ہی ڈھل جاتے ہیں
کل اور آج اور کل آپس میں
جدا نہیں ہو پاتے ہیں
گزرے لمحے ختم نہیں ہو جاتے ہیں
میرا نظارہ میری نظر
میرے حوالے میرے تیور
میرا تلفظ میری زبان
میری جہالت میرا گیان
میرے تخیل میرے رجحان
میرا پنجرا میری اڑان
میری چال اور میرا ڈھب
میری ہستی میری ذات
سب جذبات اور سب حالات
ٹکڑوں میں نہیں بٹ سکتے
میرا ماضی حاضر ہے
میرا فردا ناظر ہے
کل آج اور کل آپس میں
جدا نہیں ہو پاتے ہیں
گزرے لمحے ختم نہیں ہو پاتے ہیں
- کتاب : Namak (Pg. 50)
- Author : Subodh Saaqi
- مطبع : Arshia Publications (2016)
- اشاعت : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
