dosto sathiyo

naujavānān-e-vatan shān-e-vatan ban jaao

tum hī kashtī bhī ho sāhil bhī ho māñjhī tum ho

ahl-e-ulfat ke liye gautam-o-gāñdhī tum ho

vaqt paḌ jaa.e to Tiipū se sipāhī tum ho

tum ne har daur meñ rakkhī hai yūñhī shān-e-vatan

raat tārīk hai sūraj kī kiran ban jaao

paak jamunā kī qasam azmat-e-gangā kī qasam

marmarīñ taaj kī dīvār-e-ajantā kī qasam

sar uThā.e hue is koh-e-himāla kī qasam

zarre zarre ke laboñ par hai mohabbat kā bhajan

pyaar kī raah meñ tum prem pavan ban jaao

apnī dhartī ko har aafat se bachānā hogā

bhuuk aur qaht kī la.anat ko miTānā hogā

saḳht chaTTānoñ ko gulzār banānā hogā

lahlahāte hue khetoñ kī ye rangīn phaban

dhuup hai tez bahut sāya-fagan ban jaao

naujawanan-e-watan shan-e-watan ban jao

tum hi kashti bhi ho sahil bhi ho manjhi tum ho

ahl-e-ulfat ke liye gautam-o-gandhi tum ho

waqt paD jae to Tipu se sipahi tum ho

tum ne har daur mein rakkhi hai yunhi shan-e-watan

raat tarik hai suraj ki kiran ban jao

pak jamuna ki qasam azmat-e-ganga ki qasam

marmarin taj ki diwar-e-ajanta ki qasam

sar uThae hue is koh-e-himala ki qasam

zarre zarre ke labon par hai mohabbat ka bhajan

pyar ki rah mein tum prem pawan ban jao

apni dharti ko har aafat se bachana hoga

bhuk aur qaht ki lanat ko miTana hoga

saKHt chaTTanon ko gulzar banana hoga

lahlahate hue kheton ki ye rangin phaban

dhup hai tez bahut saya-fagan ban jao