drawing-room

terā jism lahū hai merā

jis kī būñdeñ

gul-daste ke phuul haiñ

dīvāroñ par tasvīreñ haiñ

kashtī kashtī Dol rahī hai

lep ke saa.e

ye sab merī zanjīreñ haiñ

jin ko mere zehn kā aahan kaaT rahā hai

kab tak maiñ zindāñ meñ baiThā

aane vaale kal ko musht-e-ḳhāk samajh kar

zarre zarre ko bhīchuñgā

dard kī āvāz se kab tak

giit sunūñgā

añgāroñ par loT rahā huuñ

kab tak chob-e-munaqqash thāme

maiñ sochūñgā

vo ye shāḳh hai jis meñ ik din phuul khileñge

tera jism lahu hai mera

jis ki bunden

gul-daste ke phul hain

diwaron par taswiren hain

kashti kashti Dol rahi hai

lep ke sae

ye sab meri zanjiren hain

jin ko mere zehn ka aahan kaT raha hai

kab tak main zindan mein baiTha

aane wale kal ko musht-e-KHak samajh kar

zarre zarre ko bhichunga

dard ki aawaz se kab tak

git sununga

angaron par loT raha hun

kab tak chob-e-munaqqash thame

main sochunga

wo ye shaKH hai jis mein ek din phul khilenge