drawing-room

ye scenary hai ye tāj-mahal ye kirshn haiñ aur ye rādhā haiñ

ye coach hai ye pipe hai mirā ye novel hai ye risāla hai

ye radio hai ye qumqume haiñ ye mez hai ye gul-dasta hai

ye 'gāñdhī' haiñ 'tagore' haiñ ye ye shāhansha ye malika haiñ

har chiiz kī bābat pūchhtī hai jaane kitnī ma.asūm hai ye

haañ is par raat ko sone se mīThī mīThī niiñd aatī hai

haañ is ke dabāne se bijlī kī raushnī gul ho jaatī hai

samjhī ki nahīñ ye kamra hai haañ merā drawing-rōm hai ye

itnī jaldī mazdūr aurat āḳhir ye gale meñ bāñheñ kyuuñ

le der huī ab bhaag bhī jā bas itnī mohabbat kaafī hai

is mulk ke bhūke pyāsoñ ko paise hī kī hājat kaafī hai

itnī hañsmukh ḳhāmoshī itnī mānūs nigāheñ kyuuñ

maiñ soch rahā huuñ kuchh baiThā pipe ke dhuveñ ke bādal meñ

maiñ chhup sā gayā huuñ ik nāzuk taḳh.īl ke maile āñchal meñ

ye scenary hai ye taj-mahal ye kirshn hain aur ye radha hain

ye coach hai ye pipe hai mera ye nowel hai ye risala hai

ye radio hai ye qumqume hain ye mez hai ye gul-dasta hai

ye 'gandhi' hain 'tagore' hain ye ye shahansha ye malika hain

har chiz ki babat puchhti hai jaane kitni masum hai ye

han is par raat ko sone se miThi miThi nind aati hai

han is ke dabane se bijli ki raushni gul ho jati hai

samjhi ki nahin ye kamra hai han mera drawing-room hai ye

itni jaldi mazdur aurat aaKHir ye gale mein banhen kyun

le der hui ab bhag bhi ja bas itni mohabbat kafi hai

is mulk ke bhuke pyason ko paise hi ki hajat kafi hai

itni hansmukh KHamoshi itni manus nigahen kyun

main soch raha hun kuchh baiTha pipe ke dhuwen ke baadal mein

main chhup sa gaya hun ek nazuk taKHil ke maile aanchal mein