duniya ki jannat

ye schōl ye mere ḳhvāboñ kī jannat

ye viddyā kā sāgar kitāboñ kī jannat

yahāñ buddhimānī ke sote ravāñ haiñ

yahāñ kī zamīñ par na.e āsmāñ haiñ

vo sab phuul khilte haiñ jo is chaman meñ

mahakte haiñ khilte hī saare vatan meñ

añdherā nahīñ hai yahāñ raushnī hai

yahāñ har taraf zindagī zindagī hai

yahāñ koī hangāma hai aur na Dar hai

yahī ektā aur mohabbat kā ghar hai

safar apnā jaarī hai bas is yaqīñ se

uThegā nayā ek bhārat yahīñ se

vo bhārat ki jis meñ sabhī ek hoñge

vo apne hoñ yā ajnabī ek hoñge

na koī kisī se bhī nafrat karegā

har insāñ se insāñ mohabbat karegā

chalo aaj mil-jul ke māñgeñ duā.eñ

chaleñ phir yahāñ ektā kī havā.eñ

phir apne vatan ko ham aisā banā deñ

ki duniyā meñ duniyā ko jannat dikhā deñ

ye school ye mere KHwabon ki jannat

ye widdya ka sagar kitabon ki jannat

yahan buddhimani ke sote rawan hain

yahan ki zamin par nae aasman hain

wo sab phul khilte hain jo is chaman mein

mahakte hain khilte hi sare watan mein

andhera nahin hai yahan raushni hai

yahan har taraf zindagi zindagi hai

yahan koi hangama hai aur na Dar hai

yahi ekta aur mohabbat ka ghar hai

safar apna jari hai bas is yaqin se

uThega naya ek bhaarat yahin se

wo bhaarat ki jis mein sabhi ek honge

wo apne hon ya ajnabi ek honge

na koi kisi se bhi nafrat karega

har insan se insan mohabbat karega

chalo aaj mil-jul ke mangen duaen

chalen phir yahan ekta ki hawaen

phir apne watan ko hum aisa bana den

ki duniya mein duniya ko jannat dikha den