duniya mein koi kisi se mohabbat nahin karta

duniyā meñ koī kisī se mohabbat nahīñ kartā

har shaḳhs apnī zaat se mohabbat kartā hai

daraḳht kī shāḳheñ raushnī kī taraf lapaktī haiñ

to jaḌeñ namī kī

ham ne apne gird ḳhud-ġharzī kā jaal bichhā rakhā hai

dostī mohabbat svārth ke hī muḳhtalif naam haiñ

mujhe tum se mohabbat hai

ki vo merī zarūrat hai

aur har aadmī apnī zarūrat puurī kartā hai

tumheñ apnī bīviyoñ se mohabbat hai

ki vo tumhāre liye sahūliyāt farāham kartī haiñ

aur mujhe

apne bachchoñ se pyaar hai

ki merā svārth bahut hai in meñ

vo mar gayā

mujhe dukh huā maiñ ro paḌā

maiñ kyoñ royā

us se apne ta.alluq ke iz.hār ke liye

yā apnī un zarūriyāt ke liye jo vo puurī kartā thā

yā us ke us kirdār ke liye vo mere liye adā kartā thā

vo ab mere liye kuchh nahīñ kar sakegā

maiñ royā sirf apne liye

duniya mein koi kisi se mohabbat nahin karta

har shaKHs apni zat se mohabbat karta hai

daraKHt ki shaKHen raushni ki taraf lapakti hain

to jaDen nami ki

hum ne apne gird KHud-gharzi ka jal bichha rakha hai

dosti mohabbat swarth ke hi muKHtalif nam hain

mujhe tum se mohabbat hai

ki wo meri zarurat hai

aur har aadmi apni zarurat puri karta hai

tumhein apni biwiyon se mohabbat hai

ki wo tumhaare liye sahuliyat faraham karti hain

aur mujhe

apne bachchon se pyar hai

ki mera swarth bahut hai in mein

wo mar gaya

mujhe dukh hua main ro paDa

main kyon roya

us se apne talluq ke izhaar ke liye

ya apni un zaruriyat ke liye jo wo puri karta tha

ya us ke us kirdar ke liye wo mere liye ada karta tha

wo ab mere liye kuchh nahin kar sakega

main roya sirf apne liye