dur bahut dur insan shahrah-e-irtiqa par

ai gardish-e-ayyām bas ab rok na mujh ko

ai kāvish-e-anjām bas ab rok na mujh ko

ai laġhzish-har-gām bas ab rok na mujh ko

jaanā hai mujhe duur bahut duur bahut duur

sarmāya-o-sāzish ke fareboñ se guzar kar

hangāma-o-shorish ke fareboñ se guzar kar

har mantiq-o-dānish ke fareboñ se guzar kar

jaanā hai mujhe duur bahut duur bahut duur

vo jannat-e-shaddād ho yā ātish-e-namrūd

har manzil-e-mauhūm nahīñ manzil-e-maqsūd

kāmil hai agar shauq to rāheñ nahīñ masdūd

jaanā hai mujhe duur bahut duur bahut duur

ḳhār-o-ḳhas-o-ḳhāshāk kī duniyā se bhī aage

mehr-o-mah-o-aflāk kī duniyā se bhī aage

taḳh.īl kī idrāk kī duniyā se bhī aage

jaanā hai mujhe duur bahut duur bahut duur

ai gardish-e-ayyam bas ab rok na mujh ko

ai kawish-e-anjam bas ab rok na mujh ko

ai laghzish-har-gam bas ab rok na mujh ko

jaana hai mujhe dur bahut dur bahut dur

sarmaya-o-sazish ke farebon se guzar kar

hangama-o-shorish ke farebon se guzar kar

har mantiq-o-danish ke farebon se guzar kar

jaana hai mujhe dur bahut dur bahut dur

wo jannat-e-shaddad ho ya aatish-e-namrud

har manzil-e-mauhum nahin manzil-e-maqsud

kaamil hai agar shauq to rahen nahin masdud

jaana hai mujhe dur bahut dur bahut dur

KHar-o-KHas-o-KHashak ki duniya se bhi aage

mehr-o-mah-o-aflak ki duniya se bhi aage

taKHil ki idrak ki duniya se bhi aage

jaana hai mujhe dur bahut dur bahut dur