dur ka safar

maiñ nān-e-soḳhta kā zā.iqa

utārtā huuñ

roz-o-shab

zabān par

ki us kī hamdamī meñ

dostī meñ

umr ke nasheb meñ

agar maiñ Dhal sakūñ

to fasl āftāb kā

vo barg-e-zard ban sakūñ

jo dā.ere kī intihā pe sirf

mausamoñ ke ḳhvāb dekhtā huuñ

sub.h-o-shām sochtā huuñ

aarzū

fareb-kār shāhida

kahāñ milī thī aur kaun se hasīn moḌ tak

chalegī mere saath mere saath

jū-e-āb jū-e-mai

ridā-e-ḳhāk

duur ke safar ke log

bad-gumāñ sā.atoñ ke shahr

maiñ chalūñgā

maiñ dasht-o-kohsār kī

udaas hijratoñ ko

nannhī-munnī loriyāñ sunā.ūñgā

maiñ jañgaloñ kī

sansanāhaToñ ke paar jā.ūñgā

main nan-e-soKHta ka zaiqa

utarta hun

roz-o-shab

zaban par

ki us ki hamdami mein

dosti mein

umr ke nasheb mein

agar main Dhal sakun

to fasl aaftab ka

wo barg-e-zard ban sakun

jo daere ki intiha pe sirf

mausamon ke KHwab dekhta hun

subh-o-sham sochta hun

aarzu

fareb-kar shahida

kahan mili thi aur kaun se hasin moD tak

chalegi mere sath mere sath

ju-e-ab ju-e-mai

rida-e-KHak

dur ke safar ke log

bad-guman saaton ke shahr

main chalunga

main dasht-o-kohsar ki

udas hijraton ko

nannhi-munni loriyan sunaunga

main jangalon ki

sansanahaTon ke par jaunga