dur ki aawaz

mere mahbūb des kī galiyo

tum ko aur apne dostoñ ko salām

apne zaḳhmī shabāb ko taslīm

apne bachpan ke qahqahoñ ko salām

umr bhar ke liye tumhāre paas

rah ga.ī hai shaguftagī merī

āḳhirī raat ke udaas diyo

yaad hai tum ko bebasī merī

yaad hai tum ko jab bhulā.e the

umr-bhar ke kiye hue va.ade

rasm-o-maz.hab kī ik pujāran ne

ek chāñdī ke devtā ke liye

jaane is kār-gāh-e-hastī meñ

us ko vo devtā milā ki nahīñ

merī kaliyoñ kā ḳhuun pī kar bhī

us kā apnā kañval khilā ki nahīñ

āj-kal us ke apne dāman meñ

pyaar ke giit haiñ ki paise haiñ

tum ko ma.alūm ho to batlānā

us ke āñchal ke rañg kaise haiñ

mujh ko āvāz do ki sub.h kī os

kyā mujhe ab bhī yaad kartī hai

mere ghar kī udaas chaukhaT par

kyā kabhī chāñdnī utartī hai

mere mahbub des ki galiyo

tum ko aur apne doston ko salam

apne zaKHmi shabab ko taslim

apne bachpan ke qahqahon ko salam

umr bhar ke liye tumhaare pas

rah gai hai shaguftagi meri

aaKHiri raat ke udas diyo

yaad hai tum ko bebasi meri

yaad hai tum ko jab bhulae the

umr-bhar ke kiye hue wade

rasm-o-mazhab ki ek pujaran ne

ek chandi ke dewta ke liye

jaane is kar-gah-e-hasti mein

us ko wo dewta mila ki nahin

meri kaliyon ka KHun pi kar bhi

us ka apna kanwal khila ki nahin

aaj-kal us ke apne daman mein

pyar ke git hain ki paise hain

tum ko malum ho to batlana

us ke aanchal ke rang kaise hain

mujh ko aawaz do ki subh ki os

kya mujhe ab bhi yaad karti hai

mere ghar ki udas chaukhaT par

kya kabhi chandni utarti hai