dur tak yaad-e-watan aai thi samjhane ko

ham bhī ārām uThā sakte the ghar par rah kar

ham ko bhī paalā thā māñ-bāp ne dukh sah sah kar

vaqt-e-ruḳhsat unheñ itnā bhī na aa.e kah kar

god meñ aañsū kabhī Tapke jo ruḳh se bah kar

tifl un ko hī samajh lenā jī bahlāne ko

desh sevā hī kā bahtā hai lahū nas nas meñ

ab to khā baiThe haiñ chittauḌ ke gaḌ.h kī qasmeñ

sarfaroshī kī adā hotī haiñ yuuñ hī rasmeñ

bhaa.ī ḳhanjar se gale milte haiñ sab aapas meñ

bahneñ tayyār chitāoñ pe haiñ jal jaane ko

naujavānoñ jo tabī.at meñ tumhārī khaTke

yaad kar lenā kabhī ham ko bhī bhūle-bhaTke

aap ke uzv-e-badan hoveñ judā kaT kaT ke

aur sad-chāk ho maatā kā kaleja phaTke

par na māthe pe shikan aa.e qasam khāne ko

apnī qismat meñ azal se hī sitam rakkhā thā

rañj rakkhā thā mehan rakkhā thā ġham rakkhā thā

kis ko parvāh thā aur kis meñ ye dam rakkhā thā

ham ne jab vādī-e-ġhurbat meñ qadam rakkhā thā

duur tak yād-e-vatan aa.ī thī samjhāne ko

apnā kuchh ġham nahīñ hai par ye ḳhayāl aatā hai

mādar-e-hind pe kab se ye zavāl aatā hai

desh āzādī kā kab hind meñ saal aatā hai

qaum apnī pe to rah rah ke malāl aatā hai

muntazir rahte haiñ ham ḳhaak meñ mil jaane ko

hum bhi aaram uTha sakte the ghar par rah kar

hum ko bhi pala tha man-bap ne dukh sah sah kar

waqt-e-ruKHsat unhen itna bhi na aae kah kar

god mein aansu kabhi Tapke jo ruKH se bah kar

tifl un ko hi samajh lena ji bahlane ko

desh sewa hi ka bahta hai lahu nas nas mein

ab to kha baiThe hain chittauD ke gaDh ki qasmen

sarfaroshi ki ada hoti hain yun hi rasmen

bhai KHanjar se gale milte hain sab aapas mein

bahnen tayyar chitaon pe hain jal jaane ko

naujawanon jo tabiat mein tumhaari khaTke

yaad kar lena kabhi hum ko bhi bhule-bhaTke

aap ke uzw-e-badan howen juda kaT kaT ke

aur sad-chaak ho mata ka kaleja phaTke

par na mathe pe shikan aae qasam khane ko

apni qismat mein azal se hi sitam rakkha tha

ranj rakkha tha mehan rakkha tha gham rakkha tha

kis ko parwah tha aur kis mein ye dam rakkha tha

hum ne jab wadi-e-ghurbat mein qadam rakkha tha

dur tak yaad-e-watan aai thi samjhane ko

apna kuchh gham nahin hai par ye KHayal aata hai

madar-e-hind pe kab se ye zawal aata hai

desh aazadi ka kab hind mein sal aata hai

qaum apni pe to rah rah ke malal aata hai

muntazir rahte hain hum KHak mein mil jaane ko