dusra janam

aaj ākāsh se bādal kī churā kar dhaḌkan

band kamre meñ zamistāñ kī havā aa.ī hai

ḳhushk pattoñ ne koī chaap bunī hai jaise

kisī kangan ke chhanakne kī sadā aa.ī hai

ġham kī agnī meñ ḳhalish raakh huī thī jin kī

phir vahī dard nayā ruup liye baiThe haiñ

kis ne chheḌā ki rag-e-jāñ se lahū phuuT paḌā

ham samajhte the ki ham zaḳhm siiye baiThe haiñ

aaj aakash se baadal ki chura kar dhaDkan

band kamre mein zamistan ki hawa aai hai

KHushk patton ne koi chap buni hai jaise

kisi kangan ke chhanakne ki sada aai hai

gham ki agni mein KHalish rakh hui thi jin ki

phir wahi dard naya rup liye baiThe hain

kis ne chheDa ki rag-e-jaan se lahu phuT paDa

hum samajhte the ki hum zaKHm siye baiThe hain