eajaz-e-tasawwur

raah dekhī nahīñ aur duur hai manzil merī

koī saaqī nahīñ maiñ huuñ mirī tanhā.ī hai

dekhnī hai mujhe hairānī se tāroñ kī nigāh

duur un se bhī kahīñ duur mujhe jaanā hai

us bulandī pe uḌe jaatā hai to sun merā

kahkashāñ gard sī detī hai dikhā.ī mujh ko

rif.at-e-gosh se suntā huā mub.ham sā sharār

merī manzil hai kahā ye kabhī sochā hī nahīñ

is kī fursat hī kise dil meñ magar rahtā hai

dard vo dard ki hai jis se kamnā biitā

jaane kuchh raah mire saath huā thā lekin

rah gayā duur kahīñ haar ke himmat apnī

zohra kahne lagī ai bazm falak ke qāsid

zard rau pahlī hī manzil meñ huā to kyuuñ kar

jab ki vo ḳhākī-e-be-māyā baḌhe jaatā hai

past har ek bulandī ko kaTe jaatā hai

bhaḌke ik aah kahā chāñd ne yuuñ zohra se

ai nigār-e-ruḳh-e-zebā-e-bahār-e-aflāk

maiñ bhī hairān huuñ is himmat aa.alī pe kahīñ

husn-e-salmā ke tasavvur kā ye 'ejāz' na ho

ye javāñ hauslagī parda-dar-e-rāz na ho

rah dekhi nahin aur dur hai manzil meri

koi saqi nahin main hun meri tanhai hai

dekhni hai mujhe hairani se taron ki nigah

dur un se bhi kahin dur mujhe jaana hai

us bulandi pe uDe jata hai to sun mera

kahkashan gard si deti hai dikhai mujh ko

rifat-e-gosh se sunta hua mubham sa sharar

meri manzil hai kaha ye kabhi socha hi nahin

is ki fursat hi kise dil mein magar rahta hai

dard wo dard ki hai jis se kamna bita

jaane kuchh rah mere sath hua tha lekin

rah gaya dur kahin haar ke himmat apni

zohra kahne lagi ai bazm falak ke qasid

zard rau pahli hi manzil mein hua to kyun kar

jab ki wo KHaki-e-be-maya baDhe jata hai

past har ek bulandi ko kaTe jata hai

bhaDke ek aah kaha chand ne yun zohra se

ai nigar-e-ruKH-e-zeba-e-bahaar-e-aflak

main bhi hairan hun is himmat aaali pe kahin

husn-e-salma ke tasawwur ka ye 'ejaz' na ho

ye jawan hauslagi parda-dar-e-raaz na ho