balidan

jab bārish barsī log bahut hī ro.e

ham mandir meñ jā so.e

jab dhuup khilī to log bahut hī ro.e

ham jañgal meñ jā so.e

logoñ ko ġhussa aayā

aur ham ko aan jagāyā

ham jāgte haiñ tum sote ho ullū ke paThThe

tum tanhā ho ham log ikaTThe

ham būḌhe haiñ tum bachche

tum jhūTe ho ham sachche

yuuñ paap hai sonā

jab dhuup khile yā bārish barse ronā

jab bārish barsī dhuup khilī

ham ro.e

aur niiñd kī daulat miTTī meñ dafnā.ī

phir niiñd ke phuul khile

aur niiñd kī ḳhushbū chāroñ aur uḌaa.ī

jab bārish barsī mandir meñ kuchh log mile

sab so.e

jab dhuup khilī to jañgal meñ kuchh log mile

so.e

phir apnī nādānī par

aur daulat kī qurbānī par

ham ḳhuub hañse

ham itnā hañse ke ro.e

jab barish barsi log bahut hi roe

hum mandir mein ja soe

jab dhup khili to log bahut hi roe

hum jangal mein ja soe

logon ko ghussa aaya

aur hum ko aan jagaya

hum jagte hain tum sote ho ullu ke paThThe

tum tanha ho hum log ikaTThe

hum buDhe hain tum bachche

tum jhuTe ho hum sachche

yun pap hai sona

jab dhup khile ya barish barse rona

jab barish barsi dhup khili

hum roe

aur nind ki daulat miTTi mein dafnai

phir nind ke phul khile

aur nind ki KHushbu chaaron aur uDai

jab barish barsi mandir mein kuchh log mile

sab soe

jab dhup khili to jangal mein kuchh log mile

soe

phir apni nadani par

aur daulat ki qurbani par

hum KHub hanse

hum itna hanse ke roe