eada-e-hikayaten

vo din jo guzre haiñ bholī bisrī hikāyateñ haiñ

ki dostoñ se na koī shikva na dushmanoñ se shikāyateñ haiñ

kuchh aisā lagtā hai jaise ab tak maiñ rail meñ thā

burā bhalā jo thā aane jaane ke khel meñ thā

shajar shajar thiiñ hiqārateñ bhī mohabbateñ bhī

shu.ūr-e-ġham ke muzāhire bhī masarrateñ bhī

jo muskurā.e the un ke hālāt muḳhtalif the

jo ġham uThā.e the un kī raat muḳhtalif thī

jo saath chalte the un kī majbūriyāñ bahut thiiñ

kuchh itne majbūr the ki apnoñ se duur the dūriyāñ bahut thiiñ

ye jitnā jo kuchh hai jaisā kuchh hai kuchh itnā dilchasp hai ki ik din

maiñ us taraf ā.ūñgā dobāra

agar mirī baat meñ huā to maiñ ḳhud ko dohrā.ūñgā dobāra

wo din jo guzre hain bholi bisri hikayaten hain

ki doston se na koi shikwa na dushmanon se shikayaten hain

kuchh aisa lagta hai jaise ab tak main rail mein tha

bura bhala jo tha aane jaane ke khel mein tha

shajar shajar thin hiqaraten bhi mohabbaten bhi

shuur-e-gham ke muzahire bhi masarraten bhi

jo muskurae the un ke haalat muKHtalif the

jo gham uThae the un ki raat muKHtalif thi

jo sath chalte the un ki majburiyan bahut thin

kuchh itne majbur the ki apnon se dur the duriyan bahut thin

ye jitna jo kuchh hai jaisa kuchh hai kuchh itna dilchasp hai ki ek din

main us taraf aaunga dobara

agar meri baat mein hua to main KHud ko dohraunga dobara