ehsas-e-fana

rah-e-manzil meñ ham dushvāriyoñ kā ġham nahīñ karte

guzar jaate haiñ hañs kar fikr-e-pech-o-ḳham nahīñ karte

uḌāte ho hañsī vāraftagān-e-kū-e-vahshat kī

ḳhirad-mando tumheñ to ham sharīk-e-ġham nahīñ karte

jamāl-e-quds kī qurbat bhī kitnī rūh-parvar hai

ki is manzil meñ ahl-e-dil fanā kā ġham nahīñ karte

rah-e-manzil meñ ehsās-e-fanā āġhāz-e-manzil hai

ayaañ har bul-havas par rāz-e-kaif-o-kam nahīñ karte

kabhī aflāk kī rif.at kabhī hai ḳhaak kī pastī

gila phir bhī tirā ai gardish-e-paiham nahīñ karte

'munīr' īsār par apne hai tārīḳh-e-junūñ nāzāñ

matā-e-zindagī luTne kā ham mātam nahīñ karte

rah-e-manzil mein hum dushwariyon ka gham nahin karte

guzar jate hain hans kar fikr-e-pech-o-KHam nahin karte

uDate ho hansi waraftagan-e-ku-e-wahshat ki

KHirad-mando tumhein to hum sharik-e-gham nahin karte

jamal-e-quds ki qurbat bhi kitni ruh-parwar hai

ki is manzil mein ahl-e-dil fana ka gham nahin karte

rah-e-manzil mein ehsas-e-fana aaghaz-e-manzil hai

ayan har bul-hawas par raaz-e-kaif-o-kam nahin karte

kabhi aflak ki rifat kabhi hai KHak ki pasti

gila phir bhi tera ai gardish-e-paiham nahin karte

'munir' isar par apne hai tariKH-e-junun nazan

mata-e-zindagi luTne ka hum matam nahin karte