ehsas

merī āñkhoñ meñ hai be-ḳhvābī ke nashtar chubhan

har taraf tīra-shabī, har taraf ek ghuTan

koī sho.ala na kiran

sard hone ko hai dil kī dhaḌkan

tak rahī hai mujhe kis hasrat se

mere bistar kī har ik dard se bharpūr shikan

Das na le dil ko ye tanhā.ī ke ehsās kī kaalī nāgan

ai mire ḳhvāb kī dil-kash pariyo

gungunātī huī zulfoñ kī ghaTā

surḳh ruḳhsār

damakte hue lab

nashsha-e-chashm-e-fusūñ-sāz liye

marmarīñ jism liye

sho.ala-e-āvāz liye

aa sako aaj agar aa jaao

merī tanhā.ī ko chamkā jaao

sard hai ātish-e-dil

apne āñchal kī havā se use dahkā jaao!

meri aankhon mein hai be-KHwabi ke nashtar chubhan

har taraf tira-shabi, har taraf ek ghuTan

koi shoala na kiran

sard hone ko hai dil ki dhaDkan

tak rahi hai mujhe kis hasrat se

mere bistar ki har ek dard se bharpur shikan

Das na le dil ko ye tanhai ke ehsas ki kali nagan

ai mere KHwab ki dil-kash pariyo

gungunati hui zulfon ki ghaTa

surKH ruKHsar

damakte hue lab

nashsha-e-chashm-e-fusun-saz liye

marmarin jism liye

shoala-e-awaz liye

aa sako aaj agar aa jao

meri tanhai ko chamka jao

sard hai aatish-e-dil

apne aanchal ki hawa se use dahka jao!