ehsas

tum mujhe paane ke

chāhe jitne jatan kar lo

tum bā-vafā ba-ma.anī ho

maiñ to ik lafz-e-be-ma.anī

apne aap se kab milā huuñ

jo tum se mil luuñ

tumheñ pā luuñ

ye aur baat ki

mere taḳhayyul kī asaas tū

ā.īna tū ā.īna-gar bhī tū

razā bhī tū qazā bhī tū

ridā bhī tū adā bhī tū

sazā bhī tū jazā bhī tū

ḳhudī bhī tū ḳhudā bhī tū

lekin na jaane kyā baat hai

dil dil se duur rahte haiñ

aañkh se koī aañkh bhī nahīñ miltī

haath se haath ḳhauf khāte haiñ

fazā meñ saañs letī haiñ mahrūmiyāñ

is liye

shaam hī se āyatal-kursī paḌh letī haiñ

na-jāne kitnī udāsiyāñ

tum jo chāho to vaqt kā gauhar sameT lo

yā apnī hī pyaas se samundar sameT lo

tum mujhe paane ke

chāhe jitne jatan kar lo

tum bā-vafā ba-ma.anī ho

maiñ to ek lafz-e-be-ma.anī

apne aap se kab milā huuñ

jo tum se mil luuñ

tumheñ pā luuñ

tum mujhe pane ke

chahe jitne jatan kar lo

tum ba-wafa ba-mani ho

main to ek lafz-e-be-mani

apne aap se kab mila hun

jo tum se mil lun

tumhein pa lun

ye aur baat ki

mere taKHayyul ki asas tu

aaina tu aaina-gar bhi tu

raza bhi tu qaza bhi tu

rida bhi tu ada bhi tu

saza bhi tu jaza bhi tu

KHudi bhi tu KHuda bhi tu

lekin na jaane kya baat hai

dil dil se dur rahte hain

aankh se koi aankh bhi nahin milti

hath se hath KHauf khate hain

faza mein sans leti hain mahrumiyan

is liye

sham hi se aayatal-kursi paDh leti hain

na-jaane kitni udasiyan

tum jo chaho to waqt ka gauhar sameT lo

ya apni hi pyas se samundar sameT lo

tum mujhe pane ke

chahe jitne jatan kar lo

tum ba-wafa ba-mani ho

main to ek lafz-e-be-mani

apne aap se kab mila hun

jo tum se mil lun

tumhein pa lun