جنہیں چاہتے ہو پسند کرتے ہو
ان کی روحوں کو ٹٹولو
سچائیوں کی گرہوں کو کھولو
وہاں بھی اندھیرے کھنڈر ہیں
وہاں بھی ویران منظر ہیں
وہاں بھی زخموں کے بسیرے ہیں
وہاں بھی تنہائیوں کے ڈیرے ہیں
وہ بس ہنستے ہیں نمائش کے لئے
ان کی زہر خند ہنسی کو سمجھو
گوشۂ عافیت انہیں ملا ہے
نہ تمہیں ملے گا
کہ وہ بھی عاصی خواہشوں کے
کہ تم بھی عاصی آرزؤں کے
جنہیں چاہتے ہو پسند کرتے ہو
ان کی روحوں کو ٹٹولو
سچائیوں کی گرہوں کو کھولو
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
