ehtisab

kahīñ sukūn se baiTheñ

aur ye socheñ

ki jo ho chukā hai ab tak

ye jo zaḳhmoñ kā silsila hai andar tak

is meñ apnā daḳhl kitnā hai

kitnā apnā hissa hai

kis qadar apnī zaat shāmil hai

kyā yahī zindagī kā hāsil hai

ab talak jo milā hai mujhe

kyā bas is qadar hī milnā thā

ye jo zaḳhmoñ se ḳhuun ristā hai

jism be-jān ho jaatā hai

nuur āñkhoñ se kam sā hotā jaatā hai

uñgliyoñ meñ kapkapī sī hotī hai

pair bhī Dagmagāne lagte haiñ

apne andar yeh zahr kab phailā

jo badan meñ aag ban ke bahtā hai

ye tiir

kis taraf se aaya thā

aur kis ne khīñch kar chalāyā thā

jo basārat meñ gaḌ gayā aise

saare manzar

lahū meñ Duub ga.e

kahin sukun se baiThen

aur ye sochen

ki jo ho chuka hai ab tak

ye jo zaKHmon ka silsila hai andar tak

is mein apna daKHl kitna hai

kitna apna hissa hai

kis qadar apni zat shamil hai

kya yahi zindagi ka hasil hai

ab talak jo mila hai mujhe

kya bas is qadar hi milna tha

ye jo zaKHmon se KHun rista hai

jism be-jaan ho jata hai

nur aankhon se kam sa hota jata hai

ungliyon mein kapkapi si hoti hai

pair bhi Dagmagane lagte hain

apne andar yeh zahr kab phaila

jo badan mein aag ban ke bahta hai

ye tir

kis taraf se aaya tha

aur kis ne khinch kar chalaya tha

jo basarat mein gaD gaya aise

sare manzar

lahu mein Dub gae