eid ka din

eid kā din hai zamāne bhar pe chhā.ī hai bahār

hai zamīñ se āsmāñ tak ik fazā-e-ḳhush-gavār

ye vo din hai jo sukūn-e-dil qarār-e-jān hai

ye vo din hai jo bahār-e-hasrat-o-armān hai

hijr kī kulfat miTā detā hai dil se yaum-e-eid

aarzū ke gul khilā detā hai dil se yaum-e-eid

ishq kī mahfil sajāne ke liye hai yaum-e-eid

ātish-e-furqat bujhāne ke liye hai yaum-e-eid

tāzgī-e-dil bahār-e-zindagānī eid hai

ai ḳhushā roze ki roz-e-shādmānī eid hai

kaif-e-dīdār o surūr-e-vālihāna eid hai

hai payām-e-vasl milne kā bahāna eid hai

eid kā din ik payām-e-aish kī tamhīd hai

jis ko ho dīdār ai 'shāhid' usī kī eid hai

eid ka din hai zamane bhar pe chhai hai bahaar

hai zamin se aasman tak ek faza-e-KHush-gawar

ye wo din hai jo sukun-e-dil qarar-e-jaan hai

ye wo din hai jo bahaar-e-hasrat-o-arman hai

hijr ki kulfat miTa deta hai dil se yaum-e-eid

aarzu ke gul khila deta hai dil se yaum-e-eid

ishq ki mahfil sajaane ke liye hai yaum-e-eid

aatish-e-furqat bujhane ke liye hai yaum-e-eid

tazgi-e-dil bahaar-e-zindagani eid hai

ai KHusha roze ki roz-e-shadmani eid hai

kaif-e-didar o surur-e-walihana eid hai

hai payam-e-wasl milne ka bahana eid hai

eid ka din ek payam-e-aish ki tamhid hai

jis ko ho didar ai 'shahid' usi ki eid hai