ek haqiqat

kise marg-e-'bismil' kā ehsās hogā

vo bekas bhī thā aur ḳhud.dār bhī thā

gavārā na thī us ko zabt-e-mohabbat

numūd-e-mohabbat se inkār bhī thā

use kuchh shikāyat thī ik nāznīñ se

vo uslūb-e-duniyā se bezār bhī thā

naved-e-junūñ jis kī tarz-e-jafā thī

usī paikar-e-nāz se pyaar bhī thā

mai-e-lāla-gūñ par thī jaan us kī sadqe

vo dil-dāda-e-chashm-e-bīmār bhī thā

javānī kā aur ruup kā vo pujārī

‘urūs-e-hayā kā parastār bhī thā

vo āġhosh-e-daulat meñ paidā huā thā

magar nām-e-daulat se bezār bhī thā

thī mahbūb use 'ishq kī ḳhud-satā.ī

vo ḳhātir zarā nāz-bardār bhī thā

ye hastī thī us ke liye bār-e-ḳhātir

vo shā'ir thā dānā-e-asrār bhī thā

kise marg-e-'bismil' ka ehsas hoga

wo bekas bhi tha aur KHuddar bhi tha

gawara na thi us ko zabt-e-mohabbat

numud-e-mohabbat se inkar bhi tha

use kuchh shikayat thi ek naznin se

wo uslub-e-duniya se bezar bhi tha

nawed-e-junun jis ki tarz-e-jafa thi

usi paikar-e-naz se pyar bhi tha

mai-e-lala-gun par thi jaan us ki sadqe

wo dil-dada-e-chashm-e-bimar bhi tha

jawani ka aur rup ka wo pujari

‘urus-e-haya ka parastar bhi tha

wo aaghosh-e-daulat mein paida hua tha

magar nam-e-daulat se bezar bhi tha

thi mahbub use 'ishq ki KHud-satai

wo KHatir zara naz-bardar bhi tha

ye hasti thi us ke liye bar-e-KHatir

wo sha'ir tha dana-e-asrar bhi tha