ek jaan do jism

tumheñ ḳhabar hai

maiñ chhoTā thā to

tumhāre bartan tumhāre chamche

tumhārī chhoTī sī chaa.e kī pyālī se kheltā thā

tumhārī guḌiyā

tumhāre jhūle meñ tum na jhūlīñ

maiñ jhūltā thā

tumheñ bhī apne khilaunoñ se

zarā bhī raġhbat nahīñ rahī thī

tum aksar

mere hī roboToñ ke ās-pās hī

ghūmtī thiiñ

chhupā.ūñ un ko to

DhūñDhtī thiiñ

mere khilaunoñ se mujh ko aisī bhī ḳhaas raġhbat

nahīñ rahī thī

tumhāre bartan tumhārī pyālī

tumhārī guḌiyā

tumhāre hote bhī

ās-pās mere rahe the

maiñ ab jo sochūñ

to dil ye merā boltā hai

ki din jum'e kā

yā shab jum'e kī

jum'e ke din se rahī hai nisbat

maiñ tum se milne nahīñ huuñ aaya

tum mujh se miltī nahīñ rahī ho

magar jo pūchho

to sach yahī hai

kisī ne dekhā hameñ nahīñ hai

magar maiñ bartan

tumhāre jhūle

tumhārī guḌiyā

tum

roboToñ ke hī darmiyān

rah rahī ho

tumhein KHabar hai

main chhoTa tha to

tumhaare bartan tumhaare chamche

tumhaari chhoTi si chae ki pyali se khelta tha

tumhaari guDiya

tumhaare jhule mein tum na jhulin

main jhulta tha

tumhein bhi apne khilaunon se

zara bhi raghbat nahin rahi thi

tum aksar

mere hi roboTon ke aas-pas hi

ghumti thin

chhupaun un ko to

DhunDhti thin

mere khilaunon se mujh ko aisi bhi KHas raghbat

nahin rahi thi

tumhaare bartan tumhaari pyali

tumhaari guDiya

tumhaare hote bhi

aas-pas mere rahe the

main ab jo sochun

to dil ye mera bolta hai

ki din jum'e ka

ya shab jum'e ki

jum'e ke din se rahi hai nisbat

main tum se milne nahin hun aaya

tum mujh se milti nahin rahi ho

magar jo puchho

to sach yahi hai

kisi ne dekha hamein nahin hai

magar main bartan

tumhaare jhule

tumhaari guDiya

tum

roboTon ke hi darmiyan

rah rahi ho