ek kahani

tum ne

shāyad kisī risāle meñ

koī afsāna paḌh liyā hogā

kho ga.ī hogī ruup kī raanī

ishq ne zahr khā liyā hogā

tum akelī khaḌī huī hogī

sar se āñchal Dhalak rahā hogā

yā paḌosan ke phuul se ruḳh par

koī dhabbā chamak rahā hogā

kaam meñ hoñge saare ghar vaale

radio gungunā rahā hogā

tum pe nashsha sā chhā gayā hogā

mujh ko vishvāsh hai ki ab tum bhī

shaam ko khiḌkī khol dene par

apnī laḌkī ko Toktī hogī

giit gaane se roktī hogī

tum ne

shayad kisi risale mein

koi afsana paDh liya hoga

kho gai hogi rup ki rani

ishq ne zahr kha liya hoga

tum akeli khaDi hui hogi

sar se aanchal Dhalak raha hoga

ya paDosan ke phul se ruKH par

koi dhabba chamak raha hoga

kaam mein honge sare ghar wale

radio gunguna raha hoga

tum pe nashsha sa chha gaya hoga

mujh ko wishwash hai ki ab tum bhi

sham ko khiDki khol dene par

apni laDki ko Tokti hogi

git gane se rokti hogi