ek laDki

vo bosīda kapḌoñ meñ malbūs

mailī kuchailī vo dublī sī laḌkī

vo ma.asūm aur bholī sī laḌkī

jo har roz aatī thī merī dukāñ par

jhijhakte hue

apne maile se hāthoñ ko aage baḌhā kar

ye kahtī thī mujh se baḌe bhole-pan se

ki baabū baḌī bhuuk lagtī hai

bas aaTh aane hī de do

magar aaj phir chhe baras baad

jab maiñ ne dekhā

to itnā baḌā farq paayā hai us meñ

ki vo saaf suthre libāsoñ meñ kis shaan se ghūmtī hai

javānī kī poshāk meñ

us kā gorā badan aate jaate hue

rāhgīroñ ko apnī taraf khīñchtā hai

vo husn-o-javānī se nikhrī huī hai

use vaqt ne ek tohfa diyā hai

sunā hai ki ab peT bharne kī ḳhātir

vo hāthoñ ko phailā.e phirtī nahīñ hai

vo ab shahr ke naujavānoñ ke hāthoñ

ra.īsoñ ke hāthoñ sharīfoñ ke hāthoñ

javānī kā mahkā chaman bechtī hai

vo apnā kaTīlā sajīlā rasīlā badan bechtī hai

wo bosida kapDon mein malbus

maili kuchaili wo dubli si laDki

wo masum aur bholi si laDki

jo har roz aati thi meri dukan par

jhijhakte hue

apne maile se hathon ko aage baDha kar

ye kahti thi mujh se baDe bhole-pan se

ki babu baDi bhuk lagti hai

bas aaTh aane hi de do

magar aaj phir chhe baras baad

jab main ne dekha

to itna baDa farq paya hai us mein

ki wo saf suthre libason mein kis shan se ghumti hai

jawani ki poshak mein

us ka gora badan aate jate hue

rahgiron ko apni taraf khinchta hai

wo husn-o-jawani se nikhri hui hai

use waqt ne ek tohfa diya hai

suna hai ki ab peT bharne ki KHatir

wo hathon ko phailae phirti nahin hai

wo ab shahr ke naujawanon ke hathon

raison ke hathon sharifon ke hathon

jawani ka mahka chaman bechti hai

wo apna kaTila sajila rasila badan bechti hai