ek mahina nazmon ka

alfāzoñ kā ek ḳhazāna mere paas

aur ḳhvāboñ kī ek piTārī tere paas

maiñ tere ḳhvāboñ kā koī naam dharūñ

tum mere lafzoñ meñ

ḳhvāb piro denā

taaki ham is len-den meñ

bhuul sakeñ

tanhā.ī meñ chupke chupke ro denā

maiñ ne tere ek ḳhvāb ko bachpan likhā

jis meñ tum ne ḳhud ko

baḌhiyā paayā thā

aur koī tum se bhī ik do

saal baḌā

chand batāshe terī ḳhātir laayā thā

maiñ ne ek ḳhvāb ko likhā javānī

jis meñ tum ik tiin saal kī bachchī thī

jism zehn se kachchī thī

sachchī thī

TheTh jhuuT kī jeTh jhuuT kī

sikhar do-pahrī

jism zehn ko duniyā puḳhta kartī hai

patā hai mujh ko niiñd meñ terī

ab tak mīloñ

nannhī bachchī Thumak Thumak kar chaltī hai

phir aatā hai ek mahīna nazmoñ kā

naak kaan ko bedhne vaalī

rasmoñ kā

aur buḌhāpā yahāñ se shurūa

nahīñ hotā

alfazon ka ek KHazana mere pas

aur KHwabon ki ek piTari tere pas

main tere KHwabon ka koi nam dharun

tum mere lafzon mein

KHwab piro dena

taki hum is len-den mein

bhul saken

tanhai mein chupke chupke ro dena

main ne tere ek KHwab ko bachpan likha

jis mein tum ne KHud ko

baDhiya paya tha

aur koi tum se bhi ek do

sal baDa

chand batashe teri KHatir laya tha

main ne ek KHwab ko likha jawani

jis mein tum ek tin sal ki bachchi thi

jism zehn se kachchi thi

sachchi thi

TheTh jhuT ki jeTh jhuT ki

sikhar do-pahri

jism zehn ko duniya puKHta karti hai

pata hai mujh ko nind mein teri

ab tak milon

nannhi bachchi Thumak Thumak kar chalti hai

phir aata hai ek mahina nazmon ka

nak kan ko bedhne wali

rasmon ka

aur buDhapa yahan se shurua

nahin hota