ek mauqa

ḳhvāb-parast! ujālā na kar

merā ḳhuun safed aur rañg faq hai

mujhe nāḳhun se kured, aa chal ke kahīñ baiTheñ

bādshāh ke huzūr khaḌe khaḌe maiñ shal ho ga.ī

mom-battī kī tarah

mujhe alganī par Taañg de ki merī dohragī kā bojh

baan baTne vaale pe ho tujh par na ho

ḳhvāb-parast! mujhe jagā to le phir so jaanā

kyūñki nahīñ jaanā jis ne jo jaanā

bhiiḌ bahut hai aur begānagī us se bhī bahut

lekin meñ tujhe bahutoñ meñ se bhī DhūñD lūñgī

bā-mohabbat bā-īmān ḳhushbū darīcha darīcha phirī

aur kahtī thī sadiyoñ kā kahā

buuñd buuñd miTTī kashīd karne kā fan

kaho kah chuko

ḳhūñ-bahā anāroñ ke khet

poshīda ḳhazānoñ ke ḳhvāb

añgūThī pe mohr terī āñkheñ

aur tū hākim-e-shahr

mehrbāñ! mehrbāñ! mehrbāñ

azāb-e-zīst se hukm, rihā.ī kā de

ek mauqa mujhe jag-hañsā.ī kā de!

KHwab-parast! ujala na kar

mera KHun safed aur rang faq hai

mujhe naKHun se kured, aa chal ke kahin baiThen

baadshah ke huzur khaDe khaDe main shal ho gai

mom-batti ki tarah

mujhe algani par Tang de ki meri dohragi ka bojh

ban baTne wale pe ho tujh par na ho

KHwab-parast! mujhe jaga to le phir so jaana

kyunki nahin jaana jis ne jo jaana

bhiD bahut hai aur beganagi us se bhi bahut

lekin mein tujhe bahuton mein se bhi DhunD lungi

ba-mohabbat ba-iman KHushbu daricha daricha phiri

aur kahti thi sadiyon ka kaha

bund bund miTTi kashid karne ka fan

kaho kah chuko

KHun-baha anaron ke khet

poshida KHazanon ke KHwab

anguThi pe mohr teri aankhen

aur tu hakim-e-shahr

mehrban! mehrban! mehrban

azab-e-zist se hukm, rihai ka de

ek mauqa mujhe jag-hansai ka de!