ek nazm beTe ke liye

tumheñ yaad hai

merī āñkhoñ par kas kar bāñdhā gayā

vo apnā rūmāl

phūloñ meñ daraḳhtoñ ke jhunD ke darmiyāñ

store room meñ khamboñ ke pīchhe

kabhī palang ke nīche

chhupte phirte the tum

maiñ kahāñ huuñ mujhe DhūñDo

mere aage pīchhe dauḌtī bhāgtī tumhārī āvāzeñ

mujhe chhū chhū kar duur ho jaatī thiiñ

maiñ apnā haath phailā.e DhūñD DhūñD kar

tumheñ pā hī letī thī

ye hamārā man pasand khel thā

na jaane kab kaise aur kahāñ khel hī khel meñ

yā tumhāre dauḌte bhāgte qadmoñ ke ġhubār meñ

tum kahīñ kho ga.e

aur mere gale meñ aTkī rah ga.ī

bas ek dhuul

khāñs khāñs kar saaf kartī huuñ

nikaltī hī nahīñ

aTā paḌā hai merā chehra gard se

aa.ina dekhūñ to samajh meñ nahīñ aatā kise dekh rahī huuñ

apnī āñkhoñ par bañdhā rūmāl

maiñ ne apne hī hāthoñ kholā thā

aur ehtiyāt se box meñ rakh diyā thā

maiñ kahāñ huuñ mujhe DhūñD lo vaalā khel

khelne vaalā koī thā hī nahīñ

magar aaj merī god meñ tumhārā bachcha

mujh se maañg rahā hai vahī rūmāl

aaj nikālūñgī use dho saaf kar ke

apne siine kī ḳhushbū se basā.ūñgī

ki phir shurūa karnā hai mujhe vahī man pasand khel

aur is baar maiñ kho jā.ūñgī

tumhein yaad hai

meri aankhon par kas kar bandha gaya

wo apna rumal

phulon mein daraKHton ke jhunD ke darmiyan

store room mein khambon ke pichhe

kabhi palang ke niche

chhupte phirte the tum

main kahan hun mujhe DhunDo

mere aage pichhe dauDti bhagti tumhaari aawazen

mujhe chhu chhu kar dur ho jati thin

main apna hath phailae DhunD DhunD kar

tumhein pa hi leti thi

ye hamara man pasand khel tha

na jaane kab kaise aur kahan khel hi khel mein

ya tumhaare dauDte bhagte qadmon ke ghubar mein

tum kahin kho gae

aur mere gale mein aTki rah gai

bas ek dhul

khans khans kar saf karti hun

nikalti hi nahin

aTa paDa hai mera chehra gard se

aaina dekhun to samajh mein nahin aata kise dekh rahi hun

apni aankhon par bandha rumal

main ne apne hi hathon khola tha

aur ehtiyat se box mein rakh diya tha

main kahan hun mujhe DhunD lo wala khel

khelne wala koi tha hi nahin

magar aaj meri god mein tumhaara bachcha

mujh se mang raha hai wahi rumal

aaj nikalungi use dho saf kar ke

apne sine ki KHushbu se basaungi

ki phir shurua karna hai mujhe wahi man pasand khel

aur is bar main kho jaungi